笑匠

25 May 12  阿女, 你做乜又坐到咁男仔呀?

Claire: 好男仔咩??

Claire: 我呢個笑容唔男仔啦掛

26 May 12 比阿哥氹到笑到見牙唔見眼, 十足阿媽咁. 原來哥哥最鐘意整古鬼怪, 好易就氹到妹妹笑騎騎.

Claire: 哈哈哈, 好搞笑呀.... 媽媽你覺唔覺哥哥個樣好搞笑呀

27 May 12 呢日周日, 不過媽媽病病地, 所以成日無出街, 難為了兩兄妹. 等媽媽好返, 帶你地再出去玩過啦.

Claire: yeah~~~ 媽媽萬歲

男仔頭

21 May 12 Claire 越來越男仔頭, 唔知係咪跟得阿哥多, 就連拎起哥哥的飛機車仔, 妹妹都會口扮摩打聲咁郁....唉. 就連呢架車仔, 一歲人仔細細, 卻可以自己爬上去坐. 嘩, 妹妹, 睇少陣你都唔得喎  Claire: 咪睇少我呀

睇少陣都唔得, 跟住又拎個盒黎駁腳, 睇下, 仲笑得奸到死.

Claire: 我諗緊如果我有咁高就好囉

22 May 12 女仔人家, 食野坐到成個大爺咁款, 失禮死人.

Claire: 乜我呢個食相好失禮人咩.... 

23 May 12 晨早開餐食面包, 又係坐到衰一衰.

Claire: 咁我坐返好囉, 呢個坐姿夠女仔咪呀?

24 May 12 媽媽爸爸卒之揾到個迷你版手袋比迷你版妹妹, 估唔到佢成日拎黎玩. 除左紅色, 媽媽有理由相信妹妹都鐘意粉紅色架, 你睇, 成個垃圾桶拎住遊屋就知. 呢點當你似女仔啦.  

扮野

17 May 12 Claire: 等我扮食野先

Claire: 比你食呀??!!

Claire: 扮下醫生同哥哥睇病

 不過呢個玩意實在太危險, 一陣工人姐姐唔留意, d 繩撓到妹妹就弊.

18 May 12 Claire: 咦.....乜無哂puzzle既

Claire: 我唔制呀~~~ 等我又出絕招lur 地先

Claire: 做乜我咁七情上面, 都無人氹返我架

19 May 12 呢日哥哥著襪準備學畫畫, 妹妹見到, 又拎起對襪想著. 當然係著唔到啦.

20 May 12 Claire: 我夠唔夠陽光feel, 拍飲品廣告呀?

餵食妹自己拎盒果汁飲. 因為免得佢同哥哥爭飲益力多, 所以我地比bb果汁佢飲算.

媽媽不在家的玩意

15 May 12 Claire 最鐘意食包包. 就算岩岩食完碗正餐, 唔肯再食. 但擰轉頭一見個包, 就要搶住食架喎, 即刻好似變左無底深潭咁. 爸爸話似足媽媽喎.

Claire: 係囉, 我都覺遺傳左媽咪呀

Claire: 爸爸, 你話係咪?

越大越識扮可愛氹人, 真係冧死人. 同以前大喊十形象差天共地.

Claire: 我要出去買餸喇

屋企越來越多野玩, 妹妹就算一個人係屋企, 無媽咪哥哥陪, 媽媽都唔怕佢悶了.

16 May 12 媽媽仲叫工人姐姐, 教妹妹玩呢d 識顏色. 咁媽媽放工返黎, 咪可以真係陪妹妹玩其它遊戲囉.

Claire: 扮係我自己入得唔得呀, 影張成果相先

仲有, 穿繩, 當然媽媽相信妹妹手指仲未得啦, 始終仲細個. 不過玩下先啦. 當認下顏色都好吖.

女仔Claire 點都係鐘意玩手袋多, 呵, 又拎起個手抽當手袋.

又屙了

12 May 12 呢日好似無嘔了, 暫時叫媽媽鬆一口氣. 不過稍為有精神, 就整副惡樣出黎, 十足Claire 性格.

Claire: 乜姐, 我都可以整古做怪咁影架

Clare: 正經又得

跟住仲拎起煮飯仔黎玩. 不過最鐘意係拎D有手抽既野, 扮係手袋咁, 好女仔呀

13 May 12 呢日母親節, Claire 送比媽咪禮物係, 換片五六次, 因為屙呀陰公. 一放屁就屙, 真係要長期聽住有無放屁聲.
剛瀨到褲都係的妹妹, 未著返褲時, 擘大腳企, 一D都唔女仔.

其實呢條真係裙黎架, 哈哈, 不過一歲大的妹妹, 著住呢條六個月SIZE的裙, 都仲勉強著得到.

換返條一歲SIZE又點呢?Claire: 我有無走光呀? 

Claire唔鐘意食正餐, 但對於生果, 係十分之鐘愛. 個口都未食完, 手仔已經拎其它放入口.

屙足一日, 翌日走去睇醫生, 終於止左屙了. 叫媽媽放心返哂.

14 May 12 Claire: 但我食左葯, 好攰呀~~~ 

學警童心

9 Apr 12 話說阿仔仲未滿三歲, 仲係兩歲幾時, 見學校師姐師兄自組玩學警童心, 好似幾好玩咁. 一時興起, 即幫阿仔報名. 真係膽粗粗, 因為同班無同學仔參加, 個個都話怕小朋友唔肯自己入去玩喎, 講到媽咪都有少少後悔TI.

好在當日, ISAAC都無令媽媽失望, 都有入去玩...不過係好眼瞓咁.

睇返個日, 其實未換衫, 仲係岩岩落車時, 一臉雀躍架.

Isaac: 唏, 等我打下你先~~

Isaac: 我叉腰仲型過佢喎

Isaac: 警察姐姐, 你叫乜名呀?

Isaac: 等我都擺返個POSE正經同警察影相先 

影到咁上梗, 要換衫入去玩了. 不過呢套衫, 仲未係全套架, 媽媽就覺得軍裝警套制服型D. 呢套交通警麻麻地.

人太多, 想企個好位影正面都難. 下次真係要早到步慢慢影

趕頭趕命, 終於攝到少少位影家庭照了. 爸爸不在場, 所以無得影.
 
 Isaac: 我無眼睇, 咁多人.... 

媽媽好失策呀, 都係呢個原因, 拖到而家至補寫返個警察post. 因為媽媽掛住教新工人幫妹妹換片同開餐. miss左isaac出黎的一幕, miss 哂 Isaac 同阿sir同埋影團體照的一幕. 等媽媽仲企係到等....等到最後一班都出哂....再問下工作人員, 原來阿仔個班, 係第一班出黎....唉, 媽咪聽到, 真係好想喊. 好唔開心呀, 返去問其它同校家長, 又拎唔到合照. 算了, 唯有下次叫工人等埋仔仔出黎, 至搞妹妹. 

呢張就係, 工作人員知悉媽媽漏左 ISAAC 後, 先至發現原來仲有一個小朋友係未走....唉, 乜咁都有. 如果媽咪唔問, 咁係咪佢地會留低左 Isaac 呢
 

可能心情不佳, 見其它小朋友都有媽咪爸爸接, 而自己又等左好耐, 仲要一個人咁等...所以阿仔開始發脾氣, 加上又眼瞓, 點都唔肯著返呢套制服影相. 要媽咪氹左好耐, 至肯拎哂所以野包括戴返帽黎影相咋.

媽咪: 笑下啦 Isaac: 我笑唔出呀

下次報左名玩救火員, 希望下次有爸爸在場, 唔駛咁泥hea, 可以多d 時間影相.