我又發燒了

29 Apr 12 周日， 清晨五點幾， 媽媽熟睡時， 忽然有滾燙既腳踩上黎。原來係阿妹發燒呀。燒到好滾下。扭計扭到七點幾， 爸爸卒之頂唔住喊聲， 起身齊齊去睇醫生。唔舒服， 寧舍扭（其實平時都扭，只係呢幾日， 幫阿囡揾個借口姐）

 真係咇到有眼激架， 你咪話流

 醫生話係喉嚨好紅， 發炎喎。可能咁發燒掛。不過食左葯， 温温凳凳， 好多時都瞓左。但未瞓時， 雖然呆呆地， 但呢張相一點都唔似發燒架喎。

30 Apr 12 呢日哥哥陸運會， 爸爸請左假， 本身諗住去完運動會一齊再去迪迪尼既。點知遇著妹妹發燒。呢日停左燒有五個鐘左右啦， 其餘時間都係燒緊。媽媽真係心掛掛。担心妹妹唔識退燒。

含到成口包既妹妹。

 Claire: 我講唔到野呀～～～
 呢日下午媽媽收到電話， 話要返工。爸爸有借口買個旦糕返去食了。本來無胃口乜都唔食的阿妹， 見我地一拎合旦糕出黎， 即標左去枱到望住爸爸拆合， 一副準備要搶食既樣。到媽媽真係食時， 阿妹好老實不客氣咁搶黎食。阿妹， 你好似病架喎～～～～ 但又成日無胃口， 又咁瘦， 所以我地決定左， 妹妹想食就食啦， 食得一啖得一啖吖嘛。唉。