BB GATHERING

28 Apr 12 呢日約左去朋友仔屋企打千秋。嘩， 都話阿妹唔同哂架啦。當媽媽入屋仲慣住放手袋一切行裝時， 妹妹已經一個箭步閃左去玩具位自己玩。爸爸媽媽都唔駛理。

就係呢個千秋～～～跌左阿妹落地。話說千秋背位有好濶既空間。又話說妹妹實在太迷你同埋仲未夠硬淨。一坐落去， 嘩， 五秒鐘， SIR一聲， 阿妹係摺埋咁係個背位攝左落地， 成個瞓低左， 嚇到媽咪死死下。所以呢張， 點都要大佬傍實至可以影。

媽媽同兩兄妹合照。都係要夾實妹妹， 又怕佢係背位到攝落地。

Claire: 媽媽摵提子比我食呀， 好好味呀

當正自己屋企咁， 含到成口提子走去玩凳仔。

玩玩下唔知點解BB都比人的左落網床。不過個個都咁大隻， 媽媽都唔敢比妹妹入去， 費事比巨B 踩扁。  Claire: 佢地係入邊咁搞笑既！

引哂BB一齊圍觀， 妹妹又要多手咁走去摸下張床。


呢個咪巨B 朗朗囉， 其實只係大妹妹三幾日， 但身型好似差成三個幾四個月咁。

呢次玩得好開心呀， 實在打攪哂主人家。希望下次又有機會去打下千秋啦。希望到時妹妹唔好又攝落地LU。