喪玩海洋公園

冬至日， Isaac 開始放假， 爸爸因為之前忙到傻左， 所以借機請幾日假，陪我地去癲去玩。呢日輪到去海洋公園。

Isaac: 媽咪， 好多餅餅呀。。。


一入到去， 媽咪嚷著要排去影聖誔老人， 應下節嘛。 Isaac: 但你唔好練住我條頸先得架
Isaac: 好無奈呀我～～～阿妹唔肯同我一齊影相

好悶咁影完聖誔老人， 我地進攻Isaac 嘈住要玩既兒童樂園啦。

傳說中既餅印母子， 又唔係好餅姐不過媽媽覺得Isaac 對兔仔牙， 最似媽咪， 尤其係笑起上黎個下。
係摩天輪就哨到呢幅爬牆， Isaac 係咁話要玩埋呢個至去睇其它野。點知唔夠力爬， 要爸爸幫手。

Isaac: 嘩， 我終於到頂了。

Isaac: 媽咪， 你小心呀， 我地落黎啦

Isaac: 哈哈哈， 好好玩呀

擾攘完一輪， 我地卒之出發去海龍王餐廳食晏。只係等幾分鐘就有枱。等既時間， Isaac 都唔放過任何一個有得玩既機會。連呢個咁細既BB區都要入去玩。

唔知係咪遇著聖誔節， 媽媽覺得海龍王餐廳既野食又貴又細份， 仲貴過企鵝既北極餐廳架喎。上次去企鵝餐廳差唔多價錢但大份好多。呢次叫個百幾蚊既兒童餐， 媽媽覺得Isaac 食完都唔會飽架囉。

Isaac: 算啦， 請你飲返杯海龍王特飲算啦


醫飽肚， 上山睇海豚， 完場經過冰極世界， 仲有雪飛出， 成日嘈住話要去睇雪雪既Isaac， 可以一嚐玩雪滋味。

 Isaac： 我既志願係做貨車司機～～～～
其實係後邊有兩隻鸚鵡， 不過Isaac志在架車多D 囉。

之後， 玩多一次魚魚轉轉車， 我地就準備走了。因為Isaac 好眼瞓囉。
 最鐘意坐海龜， 因為張凳夠安全嘛， 哈哈。

 呢隻係乜東東呢？ 媽媽覺得似隻垃圾蟲多D， 所以無乜人排隊影相架咋。
Isaac: 不如比我渣多次車車至走吖
Isaac 果然天生男仔格， 最鐘意渣車坐車。渣完貨車而家要渣架叮叮車。呵呵。所以諗節目好簡單架咋， 諗D 可以坐下車既活動， 咁就可以氹到Isaac好開心。

冬至遊海洋公園

21 Dec 12 冬至呢日， 我地舉家去海洋公園。天公造美， 呢日係咁多日寒流襲港期間， 唯一一日回升到廿幾度。。。。唔會太凍， 幾舒服。仲有喎， 原來冬至， 海洋公園真真正正回歸返比香港人， 強國團唔見哂， 耳根清靜哂， 幾好。媽媽就話， 咁以後每年冬至都去海洋公園。唔駛同人迫。

聖誔節， 係入口有個聖誔COUNTER， 不過妹妹好似麻麻地岩。
 Claire: 放開我啦， 呢度好恐佈呀， 咁紅
一家大細黎個全家幅先
影完聖誔相， 第一站係兒童樂園。Claire: 幫我影張相先吖

Claire: 咁睇， Claire 又幾似男仔架喎， 呵呵


Claire: 我夠唔夠英呀， 坐住隻馬～～～車。
做乜呢三個視線不一既。。。

兒童樂園去坐仔仔最愛的摩天輪。
Claire 見哥哥爬， 又要學， 不過人仔細細又唔識爬。爸爸唯有出哂力咁幫佢。睇見就危險。
嘩， 不過睇妹妹SIR落黎笑得幾開心， 就乜都值啦， 係咪呀爸爸。
玩完兒童樂園， 我地趕住去海龍王餐廳食飯， 咁好， 呢日無哂強國團， 連海龍王餐廳都無乜人， 我地又好感恩， 坐正圓梳化， 四個可以一齊望住大魚進餐。
食完飯， 就上山睇海洋劇場了， 因為我地BOOK左三點半位。有VIP位真好， 唔駛提早去同人迫。睇完劇場再去水母館同熊貓館， 海洋公園一天遊， 咁就完了。下次再去， 會係2013年既事了。希望到時唔好太多人啦

首次 。工展會 。睇戲

識行識走既2012年聖誔， 爸爸帶左我地去好多地方呀， 有妹妹第一次踏足既工展會， 同埋戲院。

20 Dec 12 呢日我地飛的去銅鑼灣， 先醫左妹妹個肚先再入工展會。好在呢日天氣唔太凍， 又唔曬， 都算行得舒服。工展必做， 係掃街。

Claire: 媽咪， 我既勝利品呀


Claire: 我呀。。。。

Claire: 好味呀

Claire: 我想再食埋呢粒呀

食完台灣貢丸， 又走左去進攻海參， 不過媽媽覺得東方紅呢年既海參， 好似豬皮多D囉。食完第日， 妹妹既POO POO係黑色架， 嚇死， 哈哈

 Claire: 呢碗簡直係人間檀品。

 Claire: 不如比我索性自已桔黎食啦。

24 Dec 12 妹妹第一次入戲院睇戲。出乎意料， 無驚驚， 哥哥問Claire 驚唔驚， Claire 仲大大聲答唔驚， 跟住好專心咁睇。不過最後半個鐘瞓著左。算係咁了， 咁長套戲， 要專心咁耐， 對小朋友黎講真係好攰。
 Claire: 我地入得去睇戲未呀？

呢日， 係商場見到有佈置， 諗住同妹妹影下相啦。吖， 點知比媽媽見到佢桔起隻腳， 莫非係想擺POSE？？

26 Dec 12 陳家聖誔例牌節目， 自助餐。食飽影一影， 出年再影兩兄妹又大左好多LU。
估唔到咁快就一年， 去年今日妹妹仲係一舊日喊夜喊既飯， 而家已經曉行曉跑既小妹妹， 唯獨個子矮小而已。希望妹妹快高長大就好了。

聖誔表演(2）

原來Isaac 唔係成程目無表情架， 當老師講笑玩遊戲時， 都識笑架

仲要笑到見牙唔見眼， 真搞笑 

 Isaac： 哈哈， 好搞笑呀。。。

 嘩， 媽媽見到Isaac笑到見牙唔見眼， 媽媽心都笑埋出黎。

跟住又到唱歌時間， 唱既係英文歌。RAINBOW












靜完一輪又郁身郁勢， 到熱身歌出場。






到最後一首就係生果歌。其實未完架， 仲有兩首歌。不過Isaac 比隔離位同學整古， 嬲霸霸唔唱， 真無體育精神。呢下真係要教育下Isaac 了。

聖誔表演(1）

18 Dec 12 一年一度聖誔表演又到。呢次係Isaac 轉新校後， 第一次表演。相對以前間私校， 呢間學校真係好有ORGANISE， 唔會亂七八糟， 表演當日老師唔會一舊云家長更加唔會好似跟住係做乜的問號滿天飛（之前間私校會架， 萬分之亂亂亂）

所以， 我地呢日好清楚指示， 一早去排， 準備坐頭位。好在不負媽媽預早一個鐘頭九個字時間罰企， 卒之坐到頭位仲要對正Isaac， 哈哈哈。


一開波， 就係唱MERRY XMAS。








不過Isaac 好似呆呆地咁。。。。其實係目無表情， 不過佢好清楚老師講緊乜架

 Isaac: 媽媽， 我見到你了， 我見到你就識笑架啦。


呢次表演， 係合全校K1上下午校全日班一齊表演架。但一D都唔覺得亂。

呢日環節係家長互動架， 唔會悶。由家長傳禮物， 音樂一停就到個位拎住禮物的家長點唱歌曲。下一首係HOW ARE YOU





跟住就係中文歌， 係排隊歌。



 

遠探朋友

Isaac 去朋友仔屋企開PARTY， 不過我地晏左去， 一去到就醫肚。醫完肚， 其他姐姐都抽緊奬， 我地無野做， Isaac 就悶到要玩自跳自娛

媽咪無準備交換禮物， 點知原來呢度既既GANDMA都額外預備左， 所以我地交換左呢份禮物， 岩哂Isaac仔。 Isaac: 正， 咁大盒朱古力。
Isaac: 點解仲未到我地小朋友抽架。

Isaac: 媽咪， 幫我影下呢堆小朋友禮物先吖

終於等到小朋友禮物時間了。嘩， Isaac 笑容出哂黎。

Isaac: 嘻嘻， 妹妹呢份岩哂我揹。

Isaac: 呢份就係我架喇

抽完奬， Isaac 就去左朋友屋企玩。玩到走時， 仲話下次再黎過， 呵呵。不過好遠呀， 淨行個條山路呢， 都要半個鐘仲要餵哂蚊蚊， 下次唔知幾時再黎呢。Isaac: 媽咪， 你睇， 我帶頭行山架。

聖誔PARTY

16 Dec 12 呢日媽媽同妹妹千里迢迢去左東涌， 因為有個朋友邀請我地開PARTY呀。

Claire: 點解我地仲未去到既。。。。
 

好唔容易行完一段山路， 我地終於到左了。醫完肚就係抽奬時間。 Claire: 幫我影張相吖。呢份係女仔都有架。

Claire: 原來係背囊。但我手上仲有一張飛喎。。。。


 Claire: 我想睇下哥哥個份係乜呀

 Claire: 我睇唔到裡邊係乜呀

抽完哂奬， 我地去左朋友屋企玩。Claire 一見架車仔， 係咁追住要爭黎推。當然最後爭唔成啦。因為車仔係新拆禮物， 朋友仔又點會讓比妹妹獨自玩姐。

雖然無得玩車， 不過細路仔， 好易玩熟。我地走個時， 呢兩姐妹FRIEND到夾BAND， 係咁拖住行山路， 又係行左好耐至行返出東涌站。沿途妹妹仲比蚊咬左兩大啖， 腫哂。媽媽就前後夾埋有十幾撻蚊LAN， 好痕呀。。。下次再去， 一定要帶蚊貼至得。