MEGABOX放電

 

呢日學校假期, 本來諗住去迪迪尼既. 點不知落雨, 爸爸話唔好去了. 去室內遊樂場算. 臨去玩, 經過雪糕店, 先一人一支甜筒先.
Isaac: 媽咪, 你睇下, 幾大支...

我地去左MEGABOX 間PLAYHOUSE, 好細架咋.不過價錢唔貴, 算係咁了. 入到去門口, 得四架槍機, 如果人多, 真係有排等. 好在呢日平日, 無乜人姐.

射完波, 又走返落去執波. 呢兩兄妹呢, 唔知點解好鐘意玩執波.

射完波, 比佢地發現左個都大大地既波波池....吖, 做乜呢, 咁齊心一齊望上邊既......

Isaac: 我聽到爸爸係上邊叫我地吖嘛

有人玩玩下波波池, 要表演游波波水喎. 媽媽就覺得好污糟. 不過呢招係爸爸由細到大教佢地咁游, 無法子了.



Isaac: 媽媽, 原來呢條滑梯好好玩架.

呢條都好似好短既滑梯, 就係比車玩. 阿仔都少少鐘意啦. SIR完落黎再推返架車上去. 不過佢又醒喎, SIR左落黎, 無好似人地小朋友咁, 抬架車上去;而係沿住呢條滑梯再推返架車上去頂又SIR返落黎. 慳水慳力. 咁都比阿仔諗到.


其實呢間PLAYHOUSE唔玩得太耐, 因為空氣都幾焗下, 又細間. 出面仲多野玩又大D. 睇下有個細路跳到變左鬼影就知啦.

Isaac: 我唏......跳....

 Isaac: 我企得夠唔夠斯文, 襯返對天鵝呀?
Isaac: 媽媽, 我玩到好攰呀~~~~