踏入20個月了

話說, 呢晚我地拆禮物, 就係有個姨姨送比妹妹既聖誕禮物. 嘩. Claire 見到為之雙眼發哂光. 係咁要揹住個袋, 仲扮出街, 成晚就係咁bye bye. 好搞笑呀. 第時妹妹出街可以有個袋仔了. 學哥哥咁, 揹書包返學去也, 妹妹係最鐘意既活動黎. 睇住妹妹一日一日咁大, 咁多變化. 有點唔捨得, 好快佢就會變左個百厭又駁咀的小女孩了. 無哂呢種可愛跡象. 今日媽媽想錄低佢跑既樣. 不過依然拍唔到.

話時話, 咁岩又踏入20個月了. 過去一個月, 妹妹識跑啦, 成日話: 我跑,我跑....跟住個身會左搖右擺咁真係有模有樣咁跑架. 好搞笑....其實又唔係好跑得起. 最大唔同, 就係妹妹終於跳到離地了. 少少離地咁多啦.

媽媽會再努力爭取機會錄低阿妹:我跑我跑....既片段先. 真係好搞笑架. 我估呢段咁搞笑既跑步姿勢, 好快會過去. 所以趁記得要錄低, 留返第時睇返回味.