我要開始煮飯呀

準備升K2的 Isaac， 有一晚忽然好認真咁同媽媽講： 媽媽， 我大個仔了， 我要開始煮飯架啦。咁你同工人姐姐咪舒服D 囉。

嘩， 媽媽聽到， 心花怒放。乜 Isaac 忽然咁生性呀（其實佢大多數都生性既）。好， 既然主動投案， 媽媽梗係諗有乜可以比佢整啦。於是乎， 翌晚呢餐， 係由 Isaac 小師傅親自操刀架（當然有媽媽在旁協助）。有三味餸，分別係蜜糖雞膇／蒸旦／同埋焗薯蓉。仲有仲有， 仲有煲爸爸鐘意食既喳咋。

似乎除左洗碗， Isaac 係廚房開始涉足於煮食喎。唔知幾時可以自己一人操刀， 煮餐比媽媽食呢？