名古屋之旅DAY 2 － 冷清伊勢巿揾食

23 Mar 15 話說之前個晚我地漏夜抵達伊勢巿入住。當時觀察，媽媽都話好似無地方食早餐。不過爸爸性格，硬係要坐低餐廳有個SET至叫做係早餐。所以，九點鐘，我地就遊街⋯⋯嘩，九點鐘都幾咁冷清呀條街。又凍又餓⋯⋯真係凍得我騰騰震呀～～

全條街，因為伊勢神宮係巿內景點，所以唯一似樣既，係伊勢巿駅。終於似返個人氣景點。

究竟有幾凍⋯⋯睇下兩兄妹咪知囉。

Claire: 媽咪，好肚餓呀，又凍又餓⋯⋯無野食。

終於，爸爸帶住我地圍住呢個伊勢行左一圈，大家吹住北風，都係揾唔到食。最後好似媽媽一開始咁建議，入去便利店求其執個包上車食咪算⋯⋯一開始係咁，咪好囉，哇卡卡。