自作樂

2 May 16 呢日FRIDAY。本黎想約哥哥幼稚園個幾位同學仔出黎玩，點知，好似無人得閒咁喎。唯有趁佢地妹妹全日班放學之際，我地出車去學校附近玩啦，希望會偶遇⋯⋯當然，偶遇就無，悶就有份，Isaac 唯有自己玩花式板車消磨下時間。

Isaac: 哎，無人陪我玩架⋯⋯

估唔到，連妹妹都唔輸蝕，踩住單車同媽媽揮手。

4 May 16 女大十八變。Claire 都唔例外，呢日比佢發現左條新褲仔。二話不說拎起黎審視，之後，岩本小姐口味⋯⋯就著埋上身。最可愛，係走埋黎媽媽身邊，問媽媽： 咁著靚唔靚呀？

Claire: 咁姐係我著得好唔好睇先？

妹呀妹，每次你咁問，媽媽都覺得你好似個少女，準備出去拍拖咁。可能呢日都好快到了。鬼咁貪靚呀你。再大D真係點搞呀⋯⋯