濕地放電小記

20 May 16 呢日Claire 學校假期，雖然大雨，不過無損媽媽帶佢出去玩既意欲。雖然約左同學仔，但同學仔臨時話大雨唔黎濕地（但之後又自己出左去迪士尼喎，真奇怪）媽媽唯有獨自帶佢去濕地放下電。濕地都去得多，兒童餐都食唔少⋯⋯吖，呢日唔知做乜，Claire 居然清哂成個兒童餐。好勁呀。開心死媽咪了。

Claire: 媽咪，我大個囡架啦。你記住話比爸爸聽，我食哂成個兒童餐吖⋯⋯

通常我地去濕地，主要都係留係室內個遊戲室玩幾個鐘。對佢地黎講，夠有突，真係攰到暈呀。所以，每次回程坐車，呢個妹仔，實昏睡過去。 出面倒水咁大雨，我地著哂水鞋雨衣準備離開⋯⋯咁岩比Claire 見到部攝影機係門口，話要影張合照喎。好啦，媽媽拎住咁多野，都陪你影一張啦。

Claire: 我愛媽媽～～～