小妹妹雜記

 10 Feb 17 有個小妹妹係咁嘈住要去OUTBACK食LUNCH，講左好幾次。見呢日生日會早放，就同佢去食下啦⋯⋯OUTBACK的 SET LUNCH真係好鬼大份，我地兩母女淨係食個餐包都飽左一半。

Claire：吖⋯⋯點解咁多人黎呢度食既呢？

Claire: 好衰架，又偷影我⋯⋯

食飽飽去學英文，學完仲有時間先到哥哥放學，所以，我地先盪一陣千秋先⋯⋯Claire 真係好鐘意玩千秋，次次去公園，一定要盪飽先肯走。不過，媽媽都想佢盪多D千秋，對腦仔發育好呀！

11 Feb 17 家長日，媽媽幾咁勤力每次評估前幫妹妹温習，所以，呢個學期都預左Claire會拎表現優異奬。估唔到呢年學校資源多左，拎奬的同學，仲有份咁巨型的玩具TIM。

Claire: 係玩咩既呢～～～

好專心研究份玩具的Claire。媽媽一望，就話唔岩佢玩，叫佢唔好拆。點知有個人仔，係都要貪新鮮，返到屋企九秒九拆左⋯⋯玩唔夠兩日，就放佢黎封塵。唉～～～

Claire: 咁我覺得好似好好玩吖嘛⋯⋯

如果Claire 的性格，可以忍到一點點，咁就好了。成日都忍唔到，大個左之後，都好難成功喔。

一人一花獲奬－翠蘆莉

9 Feb 17 媽媽最怕學校有一人一花呢個活動，幾年既經驗，通常都係比媽咪種死左。一如以往，呢年走唔甩，種既係翠蘆莉。經媽媽要求，爸爸迫於無奈親手造環保盆栽黎種一人一花，今次放左出屋外面，日曬雨淋，變左一堆茂密的雜草⋯⋯拎到返學，出人意表，居然獲得最璀璨奪目奬。真係開心死媽咪⋯⋯當然Claire 都好開心啦。一放學就同媽咪講，佢盆花拎到奬⋯⋯不過唔知係乜奬，因為佢唔識呢幾個字，哈哈。

拎返番屋企，小妹妹Claire 對盆花好有感情，係都要繼續種喎。所以，我地又放左盆野係屋外。

Claire: 媽咪，我未試過種花攞奬架！

不過，爸爸後黎可能覺得個桶唔靚，買左個迷你盆黎種⋯⋯卒之搞到盆花長大左之後，唔係好夠位。暑假時，由爸爸親自移師去屋企樓下的花圃種⋯⋯生命只有一天，翌日，比人連根拔起偷走了。傷心死Claire.

小學同學團拜

5 Feb 17 新晶頭，其中一個節目，就係小朋友團拜。呢日，我地齊齊去雅雯屋企團拜。一去到，主人家已為我地預備咁色彩豐富既撈起。

呢張相，影得真係好靚呀。各小朋友準備撈起，迎接新一年喔！

Isaac: 得未呀⋯⋯我條頸就斷啦。

 撈呀撈呀⋯⋯幾咁興奮。

叫佢地邊撈邊講吉利說話，聽返都覺得好笑（按此）。

大家玩完一輪撈起，食得寧舍滋味。

大人版本都有撈起架。難得新年一聚，梗要影個夠。

除左食，我地仲有玩架，其中一個節目，就係摺利是魚了。原來好易摺架咋。又食又玩，咁又一個開心晚上。希望出年新年，仲可以繼續有得玩啦。

鯨魚公園

4 Feb 17 新年無野做，唔駛拜年，最好節目係去玩。呢日我地試下去荃灣愉景新城既鯨魚公園，之前報紙講話呢個公園係由外國設計師畫則，參考外國公園設施黎起既。雖然都叫近我地，但我地真係未黎過。就趁住呢日假期，我地就特登出黎玩下先。

兩兄妹見到呢隻超大鯨魚滑梯⋯⋯興奮到不得了。不停出出入入就係要SIR滑梯。

除左出名既鯨魚滑梯外，呢度仲有傳統既氹氹轉。地面仲有好厚既墊，保護度一流。家長們比小朋友黎放電，認真放心。

惀景本黎無乜野好行，但自從鯨魚公園登陸後，連愉景本身都REVAMP埋，底層無哂FOODCOURT，變左係小朋友好FRIENDLY既大大戶內遊樂場。係鯨魚公園玩到未夠喉，仲可以入黎玩TIM。認真可以玩一整日。

睇下呢兩位，淨係呢座墊，都可以咁玩倒爬，就知佢地係出面玩到未夠喉啦。

可惜，鯨魚公園本身係室外，夏天真係唔岩玩。唯有等到天氣再凍時，我地再去一趟。

紅當當迎新年

28 Jan 17 農曆初一，齊齊出動去拜年。呢年媽媽心血來潮，幫兩兄妹打扮到紅當當。

Isaac & Claire: 我地係咪好型呀？

 本黎 Isaac 係有套 IROMAN衫既，不過去年同莫老師影相時，已經吊腳，所以，為左呢個新年農曆新年，媽媽特登係美國網購返黎。經LOTPOST集運，返香港都係廿蚊一磅，好抵好方便。

呢套衫係立體 FEEL 的，好型架。

點知，買大碼依然唔係好岩，背脊位係爆爆地架⋯⋯下次真係要買成人裝比佢了。

31 Jan 17 年初四，婆婆一家齊齊上黎團拜，今年有個新成員，就係小表弟。大家輪住抱下。

表弟仲好細，唔識反抗，真係比人任抱唔嬲。

十分有母性的Claire 都要抱下表弟。將來大個，Claire 會唔會係一個好母親呢？

甩牙了

26 Jan 17 呢晚有個小妹妹做緊功課，媽媽多口問下佢寫乜，之後又問下其它相關問題，估唔到Claire 識答喎，真係唔可以睇少（按此觀看）。

13 Jan 17 要DATE BACK返之前返學既日子，Claire 放學後話感覺到牙肉有野⋯⋯一睇，嘩，原來係出牙仔呀。恒齒出來了，大個女啦。

27 Jan 17 睇下，甩左一粒牙了。只餘下另一粒門牙未甩⋯⋯但後面兩隻門牙出哂黎。最後，等到五月底⋯⋯媽媽見乳齒門牙依然未肯鬆，先忍痛捉Claire 去手剝乳齒，好在寫BLOG的一天，兩隻恒齒門牙，可以整整齊齊出哂黎，無再前後腳了。

可愛小妹妹

24 Jan 17 呢輪有個妹妹仔好掛住海洋公園，成日話自己好耐無去過⋯⋯講到呢朝，居然話自己未去過，比媽媽識穿後，就傻笑。真係可愛得佢吖（按此）。

 25 Jan 17 Claire 學完野，媽媽未食飯，一於叫小妹妹陪媽媽食下野先⋯⋯食乜好呢？就去間新開既COFFEE SHOP，食少少算。Claire 見有杯海洋藍色既汽水，話要飲喎⋯⋯咁色素既野，媽媽見到都驚。

Claire: 你驚仲好，我一個人飲哂。

 咁岩係TOM N TOM COFFEE 出面擺緊BOOTH，可以試玩遊戲。TOM N TOM既多士又等得耐，有個勇字當頭既妹妹，經媽媽批淮後，走左出去玩遊戲。

不過呢個 LOOK，會唔會似外星人多D呢？

玩完返黎，份多士岩岩送到，咦⋯⋯點解個靚妹，咁自動自覺拎走左份多士既⋯⋯

Claire: 我幫你切咋⋯⋯影完相比返你食架⋯⋯

呢間TOM N TOM係幾好食，不過幾貴喔⋯唔可以成日去呢！

返到屋企，夜晚見有個妹妹嘆住睇書，諗住偷影佢副梳乎樣啦。

Claire: 咦⋯⋯我著得咁核突，仲影⋯⋯

點解呢個小妹妹，一日裡面可以有咁多表情既呢可？真係好可愛呀～難怪連哥哥都話，呢個妹好可愛！

JAZZ綵排。團年飯

21 Jan 17 Claire 跳JAZZ個度，又話有比賽喎，呢日大家要試衫⋯⋯咦，套衫咁熟口面既？？咪就係上次係紅磡表演個套黎囉。

不過小朋友，唔會計較呢D，總之套衫夠靚就得。睇佢笑得幾咁開心。

可惜著咁靚，一入去，就變馬騮。

 

Claire:乜喎⋯⋯

Claire: 我坐得好穩陣架⋯⋯唔係馬騮咁簡單。

 因為比賽在即，老師比我地入去錄低佢地既跳舞片段，等佢地返去多D練習(按此）。

Claire: 媽咪，你有無錄低架？

Claire 在哪裡？？

接近新年，晚上，我地約左婆婆家一齊團年。Claire 悉心自我打扮，真係好淑女⋯⋯點解你平時唔肯咁著呢！

Claire: 我淨係著比婆婆睇咋嘛。平時著裙無得玩公園喎，梗係唔著。

 團年飯時，知悉舅母鍾意美少女戰士，兩兄妹返到屋企，就SHOW OFF要比舅母睇。

Isaac: 我仲有條頸鍊TIM呀～～

和媽媽撐枱腳

20 Jan 17 呢日幼稚園放假，媽媽又同Claire 拍拖去。LUNCH後，順便來一道甜品，由Claire 發板，點知Claire 選左綠茶蛋糕，媽媽好奇問下（按此）。真係氹死人。

Claire: 咁你以後唔好鬧我啦～

之後，我地又係商場玩左個遊戲，非常之男孩子，不過Claire 係都要玩。但又唔係好識玩喎，真係好笑（按此）。

拍拖時間過得真快，話咁快，就要去接哥哥放學了。下次有機會再同Claire 撐枱腳。

LEGO雞年送雞LEGO

13 Jan 17 為迎接雞年來臨，呢年LEGO有宣傳活動，就係有架LEGO車會全港走，停留比人玩遊戲換雞年LEGO⋯⋯好似好吸引咁喎。

夾準時間，即時同兩兄妹黎排隊。原來未開始，已經有架車泊左係度，仲有人龍呀⋯⋯好在我地好早到，當時條龍唔係好長⋯⋯但都排左好耐囉⋯⋯

車前既雞LEGO好似好大咁⋯⋯只要同隻雞影相再SHARE，就可以得到一包LEGO雞。

忽然愛上拍照的 Isaac，穿起呢套冬天服，好似就黎升中咁款。

上LEGO車砌雞仔，又有一包LEGO送⋯⋯卒之我地夾埋換到五包咁多。但原來換返黎既LEGO雞好雞架咋⋯⋯同佢宣傳品係兩回事黎。不過兩兄妹都好開心好滿足，當係去左玩咁。

回家換完衫去玩公園，之後食雪糕，叫佢比媽媽食⋯⋯佢就請媽媽食腳板。

Claire: 我係阻住你，唔比你行埋黎搶我杯雪糕咋。

我好貪靚

9 Jan 17 當兩兄妹瞓哂覺的時候，媽媽先發現，電話裡多了這樣的一幅相。肯定係有個貪靚小妹妹又擅自拎媽咪電話自拍啦。真可愛。

10 Jan 17 下午要返學跳舞，有人換起套芭蕾舞衫，又HYPER到傻左，不停話自己好靚⋯⋯其實呢個外表粗豪既小妹妹，內裡係極度貪靚既呢（按此）。

充實星期六

7 Jan 17 呢頭係伊館比賽完，緊接著的周六，又要去比賽，又係芭蕾舞夾鼓隊。真係辛苦哂Claire 了。

Claire: 唉，我好眼瞓呀～～～

Claire: 我想快D跳完，快D去生日會呀～～

 卒之跳完，放學前黎個大合照，Claire 依然一臉呆滯。

Claire: 我地去得生日會未呀？

一散隊，即飛返屋企落粧⋯⋯因為，我地仲有節目呀，就係去生日會。所以一定要素顏出席，準備流汗⋯⋯

Claire 期待左成日，就係等呢刻⋯⋯終極放電。

顧住玩，遮左半邊臉既⋯⋯邊個呢？

個樣咁精神，同朝早去比賽既樣爭幾遠。

Isaac: 係囉，妹妹，你今朝唔係好攰既咩？

Claire: 唓，我有得玩就唔會眼瞓架啦。

臨走，用埋張生日會COUPON換支巨大棉花糖。兩位餵食小朋友，顧住食，唔望鏡頭影相。

Claire: 你睇下，呢條棉花糖幾得意～～ 

Claire: 不過我唔比你食⋯⋯

Claire: 我搓埋一舊食⋯⋯

 個個小朋友，去冒險樂園生日會，例牌換支棉花糖先走。認真滿足呀！