BBQ @ Boxing Day @ 大棠

26 Dec 16  Boxing Day 約齊幾個 Isaac 同學仔去大棠BBQ，順道睇下水尾既紅葉。假日關係，太多車了，我地只能夠由山底爬上山頂，仲要拎住BBQ既食品飲料，真係好攰⋯⋯各位爸爸。明明係BOXING DAY，點解我地著哂夏天衫架⋯⋯末日時代既天氣，真係病得好厲害了。

趁個爐未透好，有個小朋友係度掟飛碟。不過，佢呢個姿勢，可唔可以斯文少少呢～～

Claire: 咁樣斯唔斯文呀？
媽媽： 暈～～～

 Claire 同曉桐妹妹，都係最細既幼稚園生⋯⋯咁岩，大家好似著住姐妹裝咁。圖案色彩也是一樣喔，真是好笑。

DOREMI三個排排企，高低分明，你地挨哂係度，想點呢？

因為各爸爸太耐無BBQ，透爐透左好耐呀～～～小朋友唯有玩下猜拳先。

終於，終於，我地可以開始了。

我們一家四口⋯⋯原來，媽媽由這個時間開始，面形開始發福了。嗚嗚⋯⋯

Isaac: 嘩，燒雞翼，我鐘意食～～我自己燒架～～

 燒下玩下一樂也。幾個小朋友咁就過左一個快樂的下午。

聖誕節GATHERING，例牌黎個交換禮物。四個家庭幾咁融洽！

Isaac: 究竟開始抽未呀？

最後，用左呢個猜拳方式，去決定誰抽奬次序。

Isaac: 好緊張呀～～我個份係邊度呀～～

Isaac: 吓⋯⋯三眼仔拖鞋⋯⋯

 最後，人人有奬，永不落空。皆大歡喜。

玩完一輪，開始去行山睇紅葉了。好明顯，呢班小朋友，旨不在紅葉也～～

Claire: 係呀～～我地黎玩架咋⋯⋯

 行山行到五六點⋯⋯就係夕陽光照下，影返張親子大合照先。明年再黎，應該好多小朋友都再抱唔起了。