暑假開始了

12 July 17 學校放暑假了，呢日係學校搞既暑期活動日，媽媽幫 Isaac 報名參觀維他奶廠。咁岩又抽到 Isaac 可以參加。因為學校已經放暑假，所以，呢日活動日係無校車提供。本來正煩惱緊點安排兩兄妹不同的返放學時間。幸好同校車的一位熱心家長多口問媽媽，幫媽媽帶 Isaac 返學校集合⋯⋯真感恩，大熱天時，唔駛度時間帶住妹妹奔走三地。參觀完結，又有雅雯媽媽幫忙接放學。兩位熱心家長，造就了 Isaac 可以如期參加參觀活動，又唔影響妹妹上學的節奏。

今次輪到雅雯媽媽帶住三個小朋友⋯⋯點解？因為有兩個貪玩小朋友，要媽媽折返家中，把他們的泳衣帶過去，比佢地去玩水喎⋯⋯嘩，曬到呢⋯⋯校服都未換，究竟佢兩個諗乜呢？居然叫媽媽獨自回家幫佢地拎野去玩，激死⋯⋯

明明張相係兩位少女在氹氹轉上⋯⋯奸笑的 Isaac ，在想什麼鬼計呢？

鬼計按此

Isaac: 嘩⋯⋯咁熱天氣⋯⋯真係唔好坐呢張凳呀！辣親PAT PAT！

Claire: 所以我企係度盪千秋囉！

之後，雅雯媽媽帶佢地去冒險樂園掟下錢。估唔到 Isaac 真係好聽話，因為媽媽一直教佢，唔好用人地既錢去玩冒險樂園，所以，呢次 Isaac 真係企係度睇住妹妹同雅雯兩個掟錢。媽媽都好安慰⋯⋯至於妹妹，真係仲要時間去調教一下。

玩左一陣，佢地一行四個就返左雅雯屋企嘆下午茶⋯⋯呢個時候呢⋯⋯媽媽就身水身汗咁拎住行裝出發去接應佢地囉⋯⋯

Isaac: 唔⋯⋯媽咪幾時黎呀⋯⋯幾時先可以去游水呀～～

終於，終於⋯⋯媽媽拎左堆衫黎了⋯⋯換好哂衫，即刻去玩水。

後來出現的上恩⋯⋯當時，上恩同雅雯先岩岩開始學游水⋯⋯半年唔駛，兩位小妹妹已經曉得背泳了。真厲害。唔知兩兄妹，幾時可以重新習泳呢？！

HAPPY DAY

11 July 17 就黎放暑假，學校都係活動日，返去既活動就係睇電視同睇電視⋯⋯睇足半天先放學。呢日又係媽媽一拖三的日子，放學先去附近餐廳醫左個肚先。之後就去附近會所玩，因為媽媽硬著頭皮問了其它媽媽借用了會所証。所以，大家食完飯，就準備去玩。

呢兩個小朋友，真係唔知幾時開始，變得咁熟稔。

食飽飽，一齊衝去附近會所玩⋯⋯無錯，呢度就係暑假後我地極速搬進的屋苑。未住入黎之前，兩兄妹不知幾咁迷呢個遊戲室。所以，媽媽都特登借張咭比佢地黎放下電。

玩到自成一角扮屋企，咁大個原來仲玩呢D。

Isaac: 嘻嘻，有得玩咪得囉。

一袋二袋行李，因為我地未住呢度架，所以，玩完就要執包伏走人。

Isaac: 好開心呀，如果住係度，日日落黎玩就好囉。
Claire: 我覺得唔開心⋯⋯雅雯都唔同我玩⋯⋯

離開了屋苑，為了送雅雯回家去，我地特登搭車去到V CITY，等雅雯爸爸到之際，我地一齊買支雪糕開心下。

雅雯： 好開心呀，平時我無得食雪糕架！

 一人一支雪糕，小朋友最開心最滿足的時刻，莫過於呢個享受了。

Claire: 呢支綠茶雪糕好味呀～～～

食飽雪糕，我地拖住好攰既身軀，行返去置樂屋企休息去⋯⋯咁又一天了，小朋友真係開心⋯⋯無功課無考試的日子，可以玩足一天。SO HAPPY～

Aloha Gecko 體驗玩

10 July 17 屋企附近有間新PLAYHOUSE開幕，有試玩價＄50/50 分鐘。好抵。媽媽就約左Isaac 同學仔一齊去體驗下。進場前，我地係隔離間親子餐廳食個TEA兼晚餐，因為都近五點幾了，諗住食完就去玩，玩完就回家休息瞓覺。呢間餐廳有個CORNER比小朋友玩下，睇下Claire 坐張凳都坐得咁開心。

食完TEA，夠鐘入場玩，Aloha Gecko 有個網通道，不過好窄咁，大隻D的話，活動應該幾吃力。

Aloha  Gecko 有一個唔起眼既CORNER，放左個好似跳彈床既物體，Claire 行埋去試玩⋯⋯彈左一陣就放棄了。

呢度新開，人流都幾多下。不過有少少危險既位，好在夾到既係大隻Isaac，如果係幼兒，被夾到應該都幾痛下（按此）。

玩樂既時間過得好快，話咁快就50分鐘了。開業期間，JOIN會員係免費，所以，媽媽都幫兩兄妹做左會員，方便日後仲想黎玩既時候，可以黎HAPPY一下。

咦，走囉喎，呢三個男孩子係度睇乜呀？

哦，原來係POKEMON卡。睇Isaac 個頭，玩到濕哂⋯⋯哈哈⋯⋯後來媽媽先知，頌熹的卡，全部都係朋友送的二手卡，而且開學之後，全部被沒收，要專心讀書⋯⋯希望Isaac 都可以學識乜野叫專心温習啦。

Isaac: 唓⋯⋯我好專心啦！

與TRANSFORMER合照

9 July 17 呢年暑假商場既主題係放TRANSFORMER。咁岩呢日見到有主角出黎同人握手，不過要排隊喎⋯⋯咁岩我地行埋去時，係無人排。所以，兩兄妹就唔駛等，可以同傳說中既TRANSFORMER握手。

Claire: 究竟佢係真定假既呢？點解咁高⋯⋯

Claire: 其實我有小小緊張⋯⋯我怕佢會握扁我隻手呀！

 兩父子的喜好，TRANSFORMER。

好明顯小妹妹Claire 仲係一臉恾然，唔知點解巨人咁大既TRANSFORMER會係商場出現。

Claire: 但爸爸叫我一個人影相呀⋯⋯

 可以同TRANSFORMER影相握手，開心死 Isaac. 睇兩兄妹的反應，就知邊個先係真正鐘意TRANSFORMER了。

再見幼稚園

5 July 17 呢日Claire 話比媽媽知，佢係學校同外藉老師影相。咁岩，呢晚Claire 班主任又SEND左張相比媽媽，咦⋯⋯原來係真架喎，Claire 真係向學校同外藉老師合照喎⋯⋯不過，同場有另一個同學仔。兩位同學都係英文故事比賽既成員，可能係咁既原因，班主任安排佢地一齊同外藉老師合照掛。

8 July 17 家長日，咁岩係Claire 班房外看到呢張相，梗係即刻影低留念啦。話咁快，就畢業了，要離開呢間幼稚園啦。呢張係媽媽最後一張係幼稚園影既相了。

Claire: 係咩⋯⋯唔駛再返學啦？正呀⋯⋯我都唔鐘意返學既，我最鐘意係食雪糕！日日食雪糕唔駛返學就最正！

直落玩到晚

3 July 17 又到學校的中文閱讀日，老師又邀請我地作故事演出。我地原班人馬，合作左成年，已經好有默契，可惜大部分都係六年級家長了，真係後會未必有期⋯⋯除非咁岩 Isaac 入到佢地小朋友的中學啦，咁就可以中學再見。

呢次係媽媽第二次上台咁公開的"話劇"故事演譯。媽媽呢次演出的角色係老鼠，真係連動作都落力諗下點做。

呢個動作出場，夠唔夠似老鼠呢！

故事演出成功後，媽媽就帶呢三個小朋友出去食個LUNCH。

LUNCH後仲有節目，就係同 Isaac 朋友仔去聚一下，先黎個碌齡。

跟住又係波⋯⋯不過係羽毛球。

羽毛球外，仲有籃球，平時無乜打籃球既 Isaac, 好起勁咁拍起個籃球黎。

真係比佢撞到彩，可以一箭穿針（按此）。

至於個子小小的Claire，都仲可以入波波池玩。

Claire: 嘩～～好難企起身呀！

呢個波波池，媽媽都好耐無黎了。對上一次黎，哥哥都仲岩玩⋯⋯而家已經唔入得黎了。難得只有Claire 一個，佢都仲好落力咁玩，仲扮馬騮爬柱TIM（按此）。
 玩完波波池，又走返落去打羽毛球。人仔細細又要學打，真係得佢一個。

不過打起上黎，Claire 好似有板有眼咁。

輕輕鬆鬆玩左一日，呢班小朋友又坐埋一齊打邊爐。認真開心呀！

點解呢兩張相～～～有兩個男孩子的表情都唔變既呢。。。。ANYWAY，小朋友真係由朝玩到晚⋯⋯而我地呢？就開始好攰了⋯⋯唔認老都唔得呀！

七一垂釣去

1 July 17 七一假期，爸爸建議去天水圍幸福山莊釣蝦。點知去到，蝦池無乜蝦，一場黎到，無理由走，爸爸就話改去釣魚。睇下Claire 幾咁開心。

真係話咁快釣到魚了。超有滿足感呀！

一陣，又釣到條稍為大的。同第一條差好遠呀～

至於哥哥，還在努力中。

感覺上，釣魚好似易過釣蝦。不過，呢D魚釣上黎，其實都唔會食。真係約粹比錢去玩下。

玩左一個鐘聲，有呢袋收穫。不過全數係用黎換禮物用的。真係唔食得架～～

至於爸爸，佢單獨一人，就釣到呢度幾隻蝦。

兩兄妹都好鐘意呢D釣魚蝦既活動⋯⋯不過天氣咁悶熱，仲要焗係室外，真係幾難頂下。希望下次爸爸可以選個涼快的天氣去啦！