直落玩到晚

3 July 17 又到學校的中文閱讀日，老師又邀請我地作故事演出。我地原班人馬，合作左成年，已經好有默契，可惜大部分都係六年級家長了，真係後會未必有期⋯⋯除非咁岩 Isaac 入到佢地小朋友的中學啦，咁就可以中學再見。

呢次係媽媽第二次上台咁公開的"話劇"故事演譯。媽媽呢次演出的角色係老鼠，真係連動作都落力諗下點做。

呢個動作出場，夠唔夠似老鼠呢！

故事演出成功後，媽媽就帶呢三個小朋友出去食個LUNCH。

LUNCH後仲有節目，就係同 Isaac 朋友仔去聚一下，先黎個碌齡。

跟住又係波⋯⋯不過係羽毛球。

羽毛球外，仲有籃球，平時無乜打籃球既 Isaac, 好起勁咁拍起個籃球黎。

真係比佢撞到彩，可以一箭穿針（按此）。

至於個子小小的Claire，都仲可以入波波池玩。

Claire: 嘩～～好難企起身呀！

呢個波波池，媽媽都好耐無黎了。對上一次黎，哥哥都仲岩玩⋯⋯而家已經唔入得黎了。難得只有Claire 一個，佢都仲好落力咁玩，仲扮馬騮爬柱TIM（按此）。
 玩完波波池，又走返落去打羽毛球。人仔細細又要學打，真係得佢一個。

不過打起上黎，Claire 好似有板有眼咁。

輕輕鬆鬆玩左一日，呢班小朋友又坐埋一齊打邊爐。認真開心呀！

點解呢兩張相～～～有兩個男孩子的表情都唔變既呢。。。。ANYWAY，小朋友真係由朝玩到晚⋯⋯而我地呢？就開始好攰了⋯⋯唔認老都唔得呀！