北海道之旅 DAY 2 。有點白行的支笏湖

18 Aug 17 一早瞓醒，我地先去酒店附近拎車。暫別札榥，直驅北海道最北的不凍湖  －－支笏湖。睇地圖，以為支笏湖好大。

 咁岩妹妹同學仔又黎北海道，我地約左係支笏湖一齊玩。等同學黎到之前，三母子女口痕痕，買下野食過一下口癮。粟米真係好甜呀～～～～～

食完野，同學仔樂童終於到了。因為支笏湖比想像中無乜野玩，三個小朋友做乜好呢？

唯有齊齊去踩下天鵝船。

踩一圈咁又一百元。支笏湖呢～～～～路過就算，有期望特登黎就會好失望。好在我地係由札榥往登別之路會路過，叫做停下玩下。難為同學仔樂童特登入黎同我地癲。

明明睇地圖，休暇村廣場附近有暸望台⋯⋯我地一行咁多人，天雨濕濕行上山～～～～最後個暸望台一D景都望唔到（因為樹木遮哂）。真係超失望，仲要同學仔親戚們都呆左⋯⋯大家都覺得白行喔～～～

落山後，係支笏湖地標山線鉄橋影返張相留下念啦。

幸好三個小朋友，無懼白行，依然咁開心，係度鬥跳高。好有活力喔～～

Isaac: 嘩～～～我跳起呢個POSE，肚腩細左好多呀！

三個小朋友，邊個最CHOK最識擺POSE？

支笏湖真係無所事事，唯一最浪費時間就係上山揾暸望台，仲要陰陰天好鬼凍。真係無下次了。

事前係網上揾到呢個觀光街地圖⋯⋯但事實上係無野可以行的街。OH MY GOD。

最後，我地入左呢間好多日本人既食店，各人點左份LUNCH。

一人一份兒童餐，有無咁HAPPY呀？

媽媽的LUNCH。就係咁，我地留左係支笏湖半天，食完LUNCH，和樂童分道揚鑣，各自去玩樂。