轉工啦.

放工碰到成年沒見的舊同事. 閒談了一會.

舊同事見婆仔在牛牛區放工, 當然好驚訝, 不過, 都估到舊公司的壞發展也.

都未問婆仔工作性質, 只是聽到婆仔每天上班要轉三次車才安全抵步. 每天總計要轉六次車. 便叫婆仔轉工.

其實都不是第一次聽人"勸叫"轉工.

似乎只有二少和本人, 都想繼續留守公司.

不代表超人待遇好.

只是, 總覺得知足就常樂.

工作日子久了, 總覺得每份工都有辣和唔辣.

受得份工的好處, 就要哽埋它帶來的難頂.

以前年少無知, 一年轉幾次工, 每次都趁試用期未到就跳槽. 為乜?

就是為了找份自己想做的工作性質.

不過, 打滾了多年的大雜缸. 被現實蠶食.

已經去到不會再發夢的地步. 難聽點說, 就是沒有了理想.

最近三份工, 都坐得好定. 不是因為三份工都是優差. 

而是, 已經沒有了理想.

要福利好, 人事就勿強求. 人工高, 老闆又未必好. 假期多, 工作量可能又壓得透不過氣.

人大了, 已經去到一個無要求的地步.

總之, 是但一樣, 你滿足到我, 我都會坐定定做呢份工~~~~直至婆仔儲滿叫價能力, 跳槽至更高人工的職位.

可能都是人老了, 不太想面對改變.

所以, 好多時, 除了公司變卦外; 否則, 都寧願繼續打那些一啖砂糖一啖屎的牛工.

今天, 要轉工呢, 未係時候. 加上, 坐不定~~已經不是今天婆仔性格.