擦鞋不擦鞋

以前打工, 好有原則.

見到老闆, 時運高, 當見唔到.

返工打扮, 我行我素; 好像從未為迎合老闆改變自己.

放工準時彈出門口.

有一樣, 以前覺得不屑的: 就是老故同事們, 都會迎合老闆作風, 收起自己意見.

心裡覺得他們是無骨氣.

以前如果有同事, 順著老闆意思/思維表達自己意見時, 覺得呢種人, 是擦鞋仔.

以前, 覺得辦公室最討厭的地方, 是一班笑面虎, 笑裡藏刀; 明明討厭對方, 但都可以笑笑口扮熟. 覺得呢種, 真是至高境界. 不過是最恐怖的行為.

以前, 深信, 辦公室, 返工就是返工, 放工就放工. 打交道聯誼可免則免. 更莫說讚賞的說話.

今天, 返了這份新工, 我開始發覺變了.

見到老闆, 招呼一定要打; 有時, 還要彈起身表示禮貌.

開始知道老闆口味: 喜愛員工打扮得漂漂亮亮; 忽然, 我又下了決心, 要穿得好看一點. 還決定油指甲, 儘量打扮得成熟一點.

開始摸索到老闆思維, 十居其九, 都會先推測老闆意向, 才跟他開會, 進行一輪"遊說".

明知同級等退休的老臣子, 開始心生妒忌(秘書文員熟絡了, 再轉述給婆仔聽), 甚至不屑自己能力; 明知背脊花痕累累, 不過, 面對他們, 竟然可以笑笑口扮無野, 仲要主動溶冰一般, 讚賞他們衣著品味(沒法子, 女人喜歡人讚, 就把他們讚個夠吧). 雖然心裡真的無野, 因為以和為貴嘛~~~今天的我是這樣想. 以前, 可能會同他們鬥餐死.

開始懷疑, 好像變得擦鞋了一點.

好聽點說, 是圓滑了.

不過, 相比起世界小姐世界先生, 應該拍馬都追不上罷.