又眼濕濕

唔知係咪因為, 唔記得幾時開始, 成日都覺得如果婚禮上, 二少會獨唱, 我就會好感動.

N年前都開始同二少這樣說過.

當然, 愛面子如命根的二少, 啋我都傻.

當晚, 莫講話獻唱, 連扮求婚都要無厘正經還要事後被訓話.

唔知幾時開始"想"的唱冧歌, 到今天, 都仍未聽過二少正正經經的唱一首歌.

唔知幾時開始, 可能是中學開始, 覺得男性, 最有吸引力, 是在音樂上.

人家說, 男人專注工作時, 是最有吸引力的.

在我而言, 我一直覺得, 男性懂音樂, 可能是小提琴大提琴長笛甚至是SOLO獨唱, 都已夠殺食. 通常這種表演, 都會讓我入神.

所以, 婚後, 有時見到小朋友已拉得一首動聽的樂章時, 我就幻想日後自己的小朋友(男的), 培養他這種技能~~~方便日後追女仔也.

今天, 話說又要綵排婚禮, 話說新郎會自製SURPRISE, 獻歌給新娘子. 實情, 自己不是那位新娘子, 實情, 綵排SOLO獨唱的那位, 也不是新郎. 雖然如此, 當男低音男高音男中音輪流扮演新郎當日SOLO獨唱時, 婆仔忽然又眼濕濕起來. 眼淚, 差點都流出來.

忽然覺好感動. 也為那位新娘子感動.

我覺得, 這個雖然未發生, 但應該會是我畢生最難忘的婚禮.