五舊水的Pokka Cafe

屈指一算, 應該都有五年無食過POKKA CAFE了.

上次修甲時, 修甲師提起樓下的POKKA CAFE, 我才醒起....係喎, 同意粉屋差不多價錢, 下次唔食意粉屋, 食POKKA 都好.

於是, 周六晚和周日午飯, 連續兩餐, 都在POKKA濟五臓府.

多謝自己個荷包共五舊, 真肉赤.

周六晚, 和二少九點多才去POKKA. 二少對他的羊扒讚不絕口.

我就驚訝於POKKA的豬扒原來好嫩滑. 可能是日本來料掛.

二少說好味的自家餃子. 不過我就吃不出好味來. 不過, 也算是不錯的.

蠔仔日式薄餅......估不到大量菜墊底. 呵呵呵...有點失望呢. 好像吃菜一樣. 不過我寧可吃這個薄餅也不想吃和民那種麵粉餅.

因為脆格格蜜乜伴雪糕賣斷了. 唯有吃這個超厚多士伴雪糕. 旁邊的士多啤梨汁~~~恨不得捧回家伴百力支吃.

翌日, 湊巧母親找婆仔食LUNCH, 反正娘親未吃過POKKA.索性帶母親一起品嚐.

好好味的木糠布甸. 好香奶味和吉士香. 是母親點的甜品. 兩人一齊SHARE, 好滿足.

在婆仔縱容下, 母親點了三文魚肉碎石頭鍋飯. 又是出奇地好味. 三文魚好滑. 只可惜不夠燶, 如果多點飯焦就好了.

婆仔點的冷稻庭烏冬. 好好味呀..........煙靱有口感. 呵呵呵.

和母親兩人吃個午飯, 貴過飲茶. 不過難得一次帶母親吃好野, 無所謂啦.

好滿足的兩餐, 吃的容易. 荷包又少了五舊. 今個星期又要努力賺錢了.