38周

BB 呀, 你出世未呀?

 

爸爸每天都這樣問. 每次媽媽致電爸爸時, 爸爸都好緊張, 問道: 係咪作動啦??

 

呵呵, 你看爸爸多緊張呢. 我已經千叮萬囑, 叫爸爸在產房別太緊張, 最緊要安撫陣痛當中的媽媽喔.

 

爸爸因為你沒有趕在結婚周年日出世, 好失望呢.

 

呵呵, 不過不打緊, 你只要按時出世就好了, 那麼, 媽媽就不用蝕假期給公司嘛.

 

這幾周, 挺難捱呢, 除了本身的後腰痛外. 兩邊的盆骨, 都已經酸痛了.  睡覺對我來說, 是一種最大的折磨唷.

 

可能接近產期, 肚子每天都好硬唷. 硬得有時不舒服. 不過, 又未痛到要生要死, 所以, 媽媽見你還在活躍地踢腿, 就如常生活唷.

 

走路時, 可能你已經準備就緒, 壓得媽媽要小步行走, 因為每一步, 都感到你在硬硬的頂著媽媽. 同事都在取笑媽媽現在的龜速步伐. 現在走路, 我還要用手托著你, 才能走得舒服一點呢.

 

BB, 其實你今天是第幾周呢?

 

如果按傳統數日子, 你是剛剛38周耶. 但按私家醫生算法, 你差不多39周了. 因為你身形徧細, 我寧願以傳統數日子方式, 來計算你的周數呢. 那麼, 你就不會太徧離標準嘛.

 

媽媽越來越錫你了. 你在肚裡的每一個動作, 即使弄到媽媽好痛都好, 媽媽都深呼吸, 把痛楚吃進肚子裡. 當你出世後, 你就不會像現在一樣, 日夜都攬著媽媽呢, 所以, 你現在要攬實一點喔.

面包超人

我最鐘意食面包, 二少常說, 不要弄到小B都成個面包超人咁, 比我整甩個頭再放入焗爐焗返大個頭~~~~其實佢講乜呢, 我都唔知呀, 因為一向都無乜點睇卡通片 (無童年回憶, 真慘)

有晚, 二少說買了個朱古力面包給我吃, 那時, 我已經攤在床上等周公來找我. 黑猛猛的睡房, 看到這個面包, 還以為是真的. 聞起來, 還有朱古力香味呀. 好搞笑.

這個包包, 在我上班的日子, 都放在寫字枱上, 得閒拎黎聞下.

當然, 同事都知係假的, 因為這個面包出現之先, 清潔阿嬸已經被一個奶油包騙倒了. 相比奶油包, 大家都覺這個朱古力面包, 是一個假像唷.

可樂雞翼

早幾日煮飯, 買多了雞翼在家. 趁還未生小B 時, 昨天, 便試整了可樂雞翼.

話時話, 咁大個人, 都未食過可樂雞翼.

第一次試整可樂雞翼.

可惜忘了飛水. 如果飛一飛水, 可能會無咁油.

或者, 索性煎香雞翼, 再用可樂炆, 會更香口~~~不過會更肥. 所以, 還是懶懶地, 和可樂一齊煮算了.

吃起來, 果然是有可樂味的. 不錯喔. 好過成日食薯仔炆雞翼.

蝴蝶酥 @ 曲奇四重奏

之前聽聞這間店售的曲奇好味道. 有幾次掙扎好否放工搭車去九龍城買來試試, 反正公司相距不遠.

 

最近二少的同事談起食事, 聊起曲奇四重奏的出名度. 二少決定專程去買一包給我試試.

 

昨晚, 二少在九龍城找了一些時間, 他說, 原來門面一點都不起眼, 一不留神, 就會錯過店子.

 

二少買了蝴蝶酥 (印象中我好像沒有吃過這種玩意) 和黑白芝麻曲奇. 驟耳聽起來, 黑白芝麻曲奇好像好好味, 反而蝴蝶酥, 就因為沒有吃過, 所以沒什興趣.

 

嘩, 原來好細包架咋

一包芝麻曲奇得 18 塊. 蝴蝶酥應該有 12 塊左右吧. 咁就多謝 86 大洋. 真係貴左少少喎.

 

雖然個個都盛讚這店的蝴蝶酥好味, 不過我就無期望. 原來, 無期望就有驚喜. 好鬆脆呀, 又有少少甜甜地. 幾好味. 昨晚抵不住二少這個魔鬼的引誘, 吃了三塊作消夜.

 

反而聽起來以為好好味的黑白芝麻曲奇

第一口咬下去, 的確是滿有芝麻味香. 可惜, 隨之而來的, 還有一種什麼味道呢~~~吃了兩塊, 都吃不出是什麼味道摻雜著. 而且, 芝麻曲奇反而無蝴蝶酥這麼鬆脆. 如果再鬆脆一點就好了.

 

謝謝二少專程落九龍城買回來給我試試喔.

Papa Razzi

明天是結婚三周年紀念日, 昨天給了自己一個借口, 到好久沒有光顧的 Papa Razzi 吃lunch.

 

水準一如既往. 沒驚喜沒失望.

 

有熱騰騰的餐包和自製的粒粒番茄.

頭盤, 我們都選了炸魚柳, 好香喔, 一端上枱, 就聞到香噴噴的炸魚味. 拌碟的沙律菜, 味道也不錯.

餐湯呢, 二少的洋葱湯,

上面的芝士, 二少盛讚好香口. 而我就要了個, 大鄉里沒試過的木瓜忌廉湯.

味道有點像喝木瓜奶咁.

因為昨天的lunch menu 沒有意大利飯或 creamy的意粉, 所以, 點了一向造得不錯的pizza吃唷.

 

蜆肉芝士pizza, 好脆好薄呀, 薄到像吃薄脆一樣. 但面頭的cheese 卻依然厚厚的. 真滿足.

 

另一主菜: 魷魚炒扁意粉.....忘了拍照. 不過我一向不愛吃炒意粉, 所以, 徧見是麻麻地囉.

 

甜品, 一如既往, 不會抱太大期望. 叫做有兩口試下就算.

是白朱古力mousse.

 

吃飽芝士pizza後, 便冒著雨, 步行至佐敦覆診看 bb 了.....唉, 前後重了35磅, 勁呀. 可惜bb 只有五磅多點點.

37周產檢

唉, BB 呀, 媽媽上周都吃了好多雞蛋和牛肉, 又吃了花膠, 為何你還不長肉呀. 爸媽都好失望呀, 今天你連六磅都沒有.

6WD 6D          0.96CM

10WD 1D        3.16CM

12WD 5D        6.39CM 威院醫生說八成是仔.

14WD 5D        8.91CM, 重四安士. 私家醫生說見到咕咕, 是仔

20WD 1 D      十二安士. 醫生說太大了, 不能再度長度.

24WD             一磅八安士.

27WD 5D       兩磅六安士.

31WK 5D       三磅十三安士.

33WK 5D       四磅七安士.

34WK 6D       四磅十二安士.

35WK 5D       五磅四安士.

36WK 5D       五磅九安士.

37WK 6D       五磅十三安士.

魚鱻魚湯專門店

二少建議出荃灣逛逛BB車, 所以, 昨天LUNCH就在荃灣解決.

平靚正二少又要接受到的食店, 除了面棧, 就沒有了(其實雄記春卷面幾好吃呀, 不過二少嫌肥喎). 昨天不想又吃面棧, 所以, 建議同一條街, 不過好多人等位的魚鱻.

兩口子站在門口等位, 一直研究食乜好. 好多魚呀........

最後, 點了一個小吃, 好香口, 好像是全餐最好吃的一個: 炸墨魚蝦卷

老點了二少ORDER生炸豬扒 ---- 二少加了十元, ORDER了魚骹, 魚骹是幾滑的. 加十元得兩件魚骹, 算唔算貴呢.

呢份話明是招牌炸魚餅米線. 本以為是街邊面檔金黃色的炸魚餅........原來是自打的鯪魚餅. 好厚好彈牙.

這兩塊魚餅, 長度足有中指咁長, 面積有掌心咁大, 好抵食喎, 廿五蚊的話.

罕有地, 二少吃面, 會喝完全碗湯的. 婆仔鐘意它的湯底無味精, 不過魚味就好像不夠濃唷, 可能沒味精關係吧.

可惜, 又是食完今次, 下次要等幾年後, 小B大了才能來~~~~因為店子實在太倔質太細了.

ZOE CAKE

二少今天又要去跑馬地, 上次夜了, ZOE招牌CAKE售罄. 今次, 二少下午就去買ZOE, 幸好還可以試試ZOE CAKE.

用手錶對比一下, ZOE CAKE 的SIZE 有幾......三十元一件呀.

好像好多好評, 不過, 婆仔又是不懂欣賞, 呵呵, 浪費了二少的心意. 不過總算嚐過出名的ZOE CAKE 是什麼味道. 反而, 底層的脆脆比面層的HAZELNUT好味....HAZELNUT嘛, 我就吃不出味道來了, 可惜可惜

今次, 二少還買了, 價值九元一件的咖啡曲奇喎, SIZE~~~~是細排兩條裝KITKAT的長度咁上下啦(兩件加埋).

不過, 反而呢件似鬆餅的東西, 就好香咖啡的味道, 裡面又軟軟濕濕的. 我和二少都覺得, 這件九元的鬆餅仔, 反而比招牌CAKE 更好吃.

頂硬上

因為阿 B 細粒, 唯有的起心奸, 決定每天都要吃雞蛋, 希望長胎啦. 唉....其實我一向好討厭食旦呀, 諗起都覺得飽.

 

以前鐘意食花膠, 有左阿 B 後, 見到都怕怕. 不過花膠又係長胎, 唯有頂硬上, 合埋對眼吞落肚都要啦.....一樹食一樹催眠自己: 呢個唔係花膠.

 

這兩天, 開始見頭暈, 早上又想嘔. 每天鬧鐘响時, 都萬分不願意起床....唉, 為了有足十周的時間修身, 都要頂硬上, 堅決不改產假呀......希望堅持到啦.

 

周一開始, 感到下腹不舒服. 總之就不舒服啦, 又未至於痛到大叫喊生喊死. 斷估應不是作動. 昨天醫生說, 是 BB 頭仔頂住的關係. 好明顯阿 B 越來越頂住媽媽啦, 現在行步路, 都忍不住要用手托著下腹, 減輕自己的不適.

 

尾龍骨的酸痛, 有增無減. 有得選擇的話, 我都不坐了, 一坐就酸酸痛痛, 真無陰公. 為了阿 B, 我忍多一個月.

36 周產檢

BB, 你今次長得好少肉呀, 爸爸好失望, 下次檢查你要快高長大喔.

6WD 6D          0.96CM

10WD 1D        3.16CM

12WD 5D        6.39CM 威院醫生說八成是仔.

14WD 5D        8.91CM, 重四安士. 私家醫生說見到咕咕, 是仔

20WD 1 D      十二安士. 醫生說太大了, 不能再度長度.

24WD             一磅八安士.

27WD 5D       兩磅六安士.

31WK 5D       三磅十三安士.

33WK 5D       四磅七安士.

34WK 6D       四磅十二安士.

35WK 5D       五磅四安士.

36WK 5D       五磅九安士.

醫生又說你身形和手腳都細了兩周喔, 快 D 吃多點東西, 長胖一點出世啦.

士林台灣面

昨天忽然想吃台灣牛肉面, 不過, 屯門做台灣菜的, 一般都幾難吃, 就算有台灣食店, 都沒有台灣牛肉面(我要吃粗面條那種)

所以, ORDER了二少上網查查元朗區有沒有台灣牛肉面. 竟然讓我們發現了一間叫: 士林台灣面 ----好像好評如潮.

好, 一於飛亡命紅VAN入元朗試試-----以後大肚都不會再坐亡命紅VAN, 實在太危險了.

士林台灣面的店子很小, 很擠呀....估不到也要等幾張枱. 沒想到真的這樣出名喔.

婆仔當然ORDER了台灣牛肉面

只有三條金錢展, 一點也不起眼. 不過, 吃起來, 實在叫人難忘呢~~~完全不像在吃肉呀.....因為實在炆得好淋好淋, 二少說有點像入口即溶的感覺. 好味好味.下趟有機會來, 會必吃的(不知幾多年後了.....因為要等小B長大了, 才可以進這麼狹窄的小店.)

二少很欣賞它的湯底....不停畢來喝, 說好有牛肉味喎. 婆仔喝了幾口, 的確滿有牛肉味, 不過像是牛肉出前一丁的牛肉湯料的味.

二少就點了這個香酥排骨面.

它的湯底是豬骨味, 反而清清地, 也不錯. 二少讚那件排骨挺香脆.

要推介的, 也有這個過橋餃子.

呵呵呵, 我好少會稱讚餃子的, 因為一般街吃的餃子, 單吃皮都半飽, 加上肥肉又膩.

不過這個過橋餃子, 婆仔實在忍不住吃了好幾件, 皮薄之餘, 它內裡滿滿的豬肉, 吃不出油膩的感覺. 實在太正了.

我們還吃了這個卥水拼盤, 二少好滿足, 說它有不同東西拼在一起, 好抵喎....不過要36元,在小店裡吃, 份量又不多, 個人就覺得貴了一點點唷....二少解釋, 因為它有鴨舌, 所以才這麼貴呀.

同場加映二少的珍珠奶茶, 惠顧飯面加十元有一杯.

總的來說,下趟要吃台灣面, 我一定會來這店喔.

Zoe 1948

之前聽聞跑馬地有間CAKE SHOP頗出名, 旦糕精緻得來還不便宜.

對於我這個好日都唔過海的新界人, 難得二少今天要去跑馬地. 便ORDER他買一件招牌ZOE回家 (唏, 反正都肥了三十幾磅, 餘下的這個月, 婆仔索性本PEI, 話之肥多三五七磅)

因為時間晚, ZOE 招牌CAKE 售罄. 二少買了個店員說不錯的1948回家.

我記得都唔少人讚過1948的.

不過, 三十元一件, 又真係貴左....尤其COMPARE返個SIZE. 感覺就好像真係好貴呀.

三層各夾著吉士而已, 即是一層要十元. 而且, SIZE比一隻手掌還小.

可能婆仔一向不太喜歡拿破崙餅, 所以, 吃來吃去, 都吃不出這件價值30元的1948有何出名....除了它還是很鬆脆之外.

可能對拿破崙餅迷, 這件1948, 就會叫他們著迷吧.

飲白蓮鬚

終於等到飲白蓮鬚的日子了.

昨晚, 母親大人煲了一碗----應該話, 煲剩大半碗而已.

新鮮熱辣還在冒煙的.

一直以為白蓮鬚應該是白色喔, 原來色澤像苦茶一樣. 幸好味道是甜的~~~因為母親大人落了好多糖, 其實有點過甜呢.

聽好多過來人說, 喝完白蓮鬚, 身上會標哂粒粒呀, 濕疹呀等等胎毒的東西會長在自己身上....幸好昨晚飲完一碗, 今天依然可以返工見人. 暫時沒有粒粒出現.

唔知仲要飲幾多碗, 至等到小B出世呢.

35 周產檢

6WD 6D          0.96CM

10WD 1D        3.16CM

12WD 5D        6.39CM 威院醫生說八成是仔.

14WD 5D        8.91CM, 重四安士. 私家醫生說見到咕咕, 是仔

20WD 1 D      十二安士. 醫生說太大了, 不能再度長度.

24WD             一磅八安士.

27WD 5D       兩磅六安士.

31WK 5D       三磅十三安士.

33WK 5D       四磅七安士.

34WK 6D       四磅十二安士.

35WK 5D       五磅四安士.

明治奶粉

之前一直沒有心水奶粉, 還打算用免費的美素佳兒做 "事啤", 萬一餵唔到人奶, 就用美素佳兒.

最近, 好認真地對比了本地和日本奶粉成分, 發覺明治奶粉的DHA和葉酸含量, 比起本地和其它日本奶粉都高. 加上婆仔又不知奶粉還要有什麼重要因素, 幫助BB成長, 所以, 便簡單地, 決定試下明治吧.

雖然明治貴過其它日本奶粉, 不過都唔緊要啦. 希望BB岩食.

 買了一罐, 如果BB食後沒有特別反應, 以後, 媽媽就會上網訂一箱回家了.

34周產檢

6WD 6D          0.96CM

10WD 1D        3.16CM

12WD 5D        6.39CM 威院醫生說八成是仔.

14WD 5D        8.91CM, 重四安士. 私家醫生說見到咕咕, 是仔

20WD 1 D      十二安士. 醫生說太大了, 不能再度長度.

24WD             一磅八安士.

27WD 5D       兩磅六安士.

31WK 5D       三磅十三安士.

33WK 5D       四磅七安士.

34WK 6D       四磅十二安士.

可能昨天媽媽心情不好, 連BB都感受到, 無論醫生怎樣推BB, BB 都是不願意往外面轉頭呀. 像媽媽一樣, 心情不好就躲起來. 真是對不起了, BB喔. 希望媽媽的心情, 不會影響你吧.

之前我一直在說, 如果BB出世時, 是六磅左右就理想了----順產都不用太辛苦嘛.

昨天, 醫生說, BB出世都是中細碼BB呀, 只有六磅左右. 唉, 反而聽起來, 又有點擔憂, 實在太小了. 如果有七磅就好啦. 但醫生又是叫婆仔不要再多吃東西, 因為婆仔已經肥到磅數太多了(接近30磅啦), 而且, 婆仔骨格不大, BB 再大一點, 可能生唔出呀.

好矛盾呢.

肉體和精神的折磨

肉體折磨: 神經痛到不得了. 即使在office迫自己每半小時站起來沿地踏步五分鐘, 又迫自己早一個站下車, 加上晚餐後, 一個人慢慢散步半小時都好. 二少臨睡前按下尾龍骨和大腿外側位置都好, 經過五小時側睡 (已經半夜會痛醒, 迫住由左側轉為右側睡再由右側轉為左側睡), 兩邊大腿都已經被壓到好痛好痛好痛....跟住就是眼光光, 等到六點十起床的時間.

 

精神折磨: 自從懷孕後, 已經跟熟睡絕交了. 它沒有再來找我, 我也再找不到它. 如果當晚可以每兩小時至三小時才掙大雙眼看鐘, 我已經好感恩, 好滿足了. 可恨是, 昨晚又回復 --- 每小時都自動掙開雙眼, 一點, 兩點, 三點, 四點, 五點, 然後六點, 火都來了. 這種每小時自動醒來的日子, 已經不是第一次. 加上雙腿經過一整晚不動, 已經痛到入心入肺, 還要承受這種失眠的折磨. 心情越來越差. 今晨, 二少繼續昏睡過去, 不停唸著: 繼續睡啦, 繼續睡啦........搞到已經心情不好的婆仔, 不知幾想打醒他, 萬分有衝動要他一起陪我無得訓. 體驗這種想訓但又訓唔到的滋味. 難道我不想繼續訓, 不過時間夠了, 躺著不動五小時多, 壓到神經痛已經叫我不能再安靜地合起雙眼.....

 

難為每天都捱著不同的痛楚, 二少卻每天都投訴, 婆仔輾轉反側弄得他都無覺好訓. 我覺得他是沒資格說無覺好訓的一個喔. 反正大家都是工作族的.

 

因為這種肉體加精神的折磨, 是咁大個女都未嚐過. 今早忽然不知就裡的, 坐在廳裡哭起來, 不知自己究竟為何要捱這些苦楚. 我覺得, 時間再久一點, 我會演變成精神病啦----長期受失眠折磨, 加上肉體又痛.

前0後10

上月中, 經同事游說後, 膽粗粗入了紙, 請前0後10.

老闆雖然口頭上說, 會早產架喎.....白痴的婆仔回應: 唔知呀, 佢地個個都話會遲吖嘛, 我媽都話會遲出世的(我覺得有點像細路仔答問題....一點都不像SENIOR 的成熟答案呀). 老闆唯有無奈地簽了紙---前0 後10.

老闆批假後, 一直在想, 陀住十個月的胎上班, 又好像好辛苦. 不過, 我又想多留點時間產後修身, 執返眼耳口鼻見人. 寧願之前捱下辛苦, 產後多點時間閉關, 回復原本身形好了.

 

雖然身邊的人都不贊成前 0 後 10, 搞到都有點忐忑不安. 不知怎的, 最近總是覺得小B會早出世見爸爸媽媽, 所以, 現在都豁出去, 一於前 0 後 10 算了.

 

現在每次半夜去廁所, 都會在想, 會否見紅呢.....哈哈哈, 越來越期待小B快點出來呀....這樣, 我就可以脫離痛楚了.

刨薑

係時候整定薑醋啦. 雖然婆仔一向唔好薑醋呢味食物, 即使要食, 極其量都是吃一隻雞蛋比比面而已. 真是不知道產後, 會否都只是挑薑醋旦來吃----或者再勉為其難撈薑醋汁吃飯.

母親買了十斤薑, 放在婆仔家中. 昨晚, 我和二少的起心奸, 刨薑啦. 嘩, 刨了數舊薑, 已經覺得肩膀薑硬化了. 加上又夜, 所以, 婆仔都是放棄, 決定找周公去也. 留待二少幫忙搞定這兩盤東西.真是辛苦他了.

昨晚趕工, 應該都有七斤薑的....究竟夠唔夠呢....

還有用來沖涼用的薑皮.

這幾天黃梅天, 又潮濕, 都不知要吹多久, 才能乾身, 來整薑醋.