上月中, 經同事游說後, 膽粗粗入了紙, 請前0後10.
老闆雖然口頭上說, 會早產架喎.....白痴的婆仔回應: 唔知呀, 佢地個個都話會遲吖嘛, 我媽都話會遲出世的(我覺得有點像細路仔答問題....一點都不像SENIOR 的成熟答案呀
老闆批假後, 一直在想, 陀住十個月的胎上班, 又好像好辛苦. 不過, 我又想多留點時間產後修身, 執返眼耳口鼻見人. 寧願之前捱下辛苦, 產後多點時間閉關, 回復原本身形好了.
雖然身邊的人都不贊成前 0 後 10, 搞到都有點忐忑不安. 不知怎的, 最近總是覺得小B會早出世見爸爸媽媽, 所以, 現在都豁出去, 一於前 0 後 10 算了.
現在每次半夜去廁所, 都會在想, 會否見紅呢.....哈哈哈, 越來越期待小B快點出來呀....這樣, 我就可以脫離痛楚了
.
. 
我原本都想前0後10 ,但係我返工太遠 ,最終決定前1後9,頭尾再搭D補假同年假囉 ~~
回覆刪除[版主回覆03/04/2009 10:36:00]我公司離屋企, 淨計車程唔計等車...都要最少一個鐘
不過阿 Q 去諗, 都係上車跟住落車返工姐....應該無乜問題掛.
嘩, 妳真係好大膽呀 ! 前 0 後10, 我那時只是前2後8, 但到我正式放第一天 產假, 巳經 (見紅) 入咗醫院待產. 陣痛咗二十幾個鍾才順產生咗我囝囝. 比預產期早咗10 DAYS
回覆刪除臨生之前一個星期如果你仍然返工... 勞工保好似唔包... 你check 清楚先好D...
回覆刪除[版主回覆03/04/2009 10:34:00]勞保係包架, 我問過, 總之一日我係公司做野, 一日都會包.
好似最min係前2後8喎，你check清楚好D！
回覆刪除[版主回覆03/04/2009 10:43:00]我問過, 法例係唔比. 但有事時, 都係僱員提出申訴, 勞處至會向僱主提出責任索償. 咁我自己決定前 0, 我諗我唔會自己走去勞處告僱主掛....
同埋真係辛苦得滯, 我臨前三周, 再入紙改返前一或前二囉.
你唔怕返返下工作動? anyway, 返工樣樣小心!!
回覆刪除[版主回覆03/04/2009 10:33:00]我唔怕, 最多咪即刻走人囉, 反正作動到生得, 都講緊係hours 既事, 實夠時間既.
妳好勇呀!!!前0後10!
回覆刪除咁妳的走佬袋放在那裡?
會不會隨身帶住入院需要的文件?
[版主回覆03/04/2009 15:22:00]走佬袋放屋企. 而家已經袋住政府張覆診咭啦...36周後, 會袋埋私家醫院的入院紙.