肉體折磨: 神經痛到不得了. 即使在office迫自己每半小時站起來沿地踏步五分鐘, 又迫自己早一個站下車, 加上晚餐後, 一個人慢慢散步半小時都好. 二少臨睡前按下尾龍骨和大腿外側位置都好, 經過五小時側睡 (已經半夜會痛醒, 迫住由左側轉為右側睡再由右側轉為左側睡), 兩邊大腿都已經被壓到好痛好痛好痛....跟住就是眼光光, 等到六點十起床的時間.
精神折磨: 自從懷孕後, 已經跟熟睡絕交了. 它沒有再來找我, 我也再找不到它. 如果當晚可以每兩小時至三小時才掙大雙眼看鐘, 我已經好感恩, 好滿足了. 可恨是, 昨晚又回復 --- 每小時都自動掙開雙眼, 一點, 兩點, 三點, 四點, 五點, 然後六點, 火都來了. 這種每小時自動醒來的日子, 已經不是第一次. 加上雙腿經過一整晚不動, 已經痛到入心入肺, 還要承受這種失眠的折磨. 心情越來越差. 今晨, 二少繼續昏睡過去, 不停唸著: 繼續睡啦, 繼續睡啦........搞到已經心情不好的婆仔, 不知幾想打醒他, 萬分有衝動要他一起陪我無得訓. 體驗這種想訓但又訓唔到的滋味. 難道我不想繼續訓, 不過時間夠了, 躺著不動五小時多, 壓到神經痛已經叫我不能再安靜地合起雙眼.....
難為每天都捱著不同的痛楚, 二少卻每天都投訴, 婆仔輾轉反側弄得他都無覺好訓. 我覺得他是沒資格說無覺好訓的一個喔. 反正大家都是工作族的.
因為這種肉體加精神的折磨, 是咁大個女都未嚐過. 今早忽然不知就裡的, 坐在廳裡哭起來, 不知自己究竟為何要捱這些苦楚. 我覺得, 時間再久一點, 我會演變成精神病啦----長期受失眠折磨, 加上肉體又痛.
我有朋友,在懷孕後期,趕老公出客廳睡梳化呀!哈哈哈!
回覆刪除而我雖然未到時候,但已經和妳一樣,每晚都很難入睡,
骨又痛,結果為免整醒要返工的老公,
唯有自己出廳散步,坐在梳化上等睡呢!
這就是做母親的偉大呀!
我有左之後...我就冇好長時間咁同周公幽會喇~~ 半夜起身去廁所都可以接受, 但扎醒左...一定瞓唔番....眼光光
回覆刪除我都好明白妳的痛苦的, 因我那時都是這樣. 不過, 我就算生完後都是無覺好瞓. 因為bb出來後要喂夜奶 (最初,我是喂母乳的 , 1-2 hrs /per time) 及後我返工後第三個week, BB巳介夜奶. 但依然是每晚醒 5 -6 次, 但又唔係要夜奶, 只是扭抱, 抱起佢又立刻瞓番. 但唔抱佢,佢可以喊到天光都唔收聲.我囝囝直到17months 大才可一覺瞓天光. 不過,可能我囝囝特別難湊啦. 我有d 朋友的bb , 3 months 大巳經可一覺瞓天光la. 我無請工人, 日頭俾我媽湊,夜晚自己湊番, 因我囝囝咁樣,我都唔敢俾我媽湊過夜, 怕佢第日無精神湊囝囝. 不過, 我d朋友話就算請工人, 都係要自己湊番夜晚, 因為工人都係人, 都要有休息時間.而且怕佢地唔夠休息,易犯錯.
回覆刪除所以我勸妳盡量可以瞓多d 就瞓,如果唔係,bb出生後, 都好難會有覺好瞓.