頂硬上

因為阿 B 細粒, 唯有的起心奸, 決定每天都要吃雞蛋, 希望長胎啦. 唉....其實我一向好討厭食旦呀, 諗起都覺得飽.

 

以前鐘意食花膠, 有左阿 B 後, 見到都怕怕. 不過花膠又係長胎, 唯有頂硬上, 合埋對眼吞落肚都要啦.....一樹食一樹催眠自己: 呢個唔係花膠.

 

這兩天, 開始見頭暈, 早上又想嘔. 每天鬧鐘响時, 都萬分不願意起床....唉, 為了有足十周的時間修身, 都要頂硬上, 堅決不改產假呀......希望堅持到啦.

 

周一開始, 感到下腹不舒服. 總之就不舒服啦, 又未至於痛到大叫喊生喊死. 斷估應不是作動. 昨天醫生說, 是 BB 頭仔頂住的關係. 好明顯阿 B 越來越頂住媽媽啦, 現在行步路, 都忍不住要用手托著下腹, 減輕自己的不適.

 

尾龍骨的酸痛, 有增無減. 有得選擇的話, 我都不坐了, 一坐就酸酸痛痛, 真無陰公. 為了阿 B, 我忍多一個月.