一家貓頭鷹: 5月 2009

2009年5月28日星期四

Isaac 仔的喊聲 (2)

如果我岩岩開始叫, 你都唔理我, 咁我就會

咁喊你都唔理我, 我真係瞓唔到覺架, 又好眼瞓喎, 好陰公架, 超級眼瞓的喊聲就係咁>>到呢個時候, 你唔抱我冧返我瞓, 我係唔會罷休架, 我會繼續狂喊, 喊到自己氣咳都要繼續喊, 因為到呢刻, 我一定要人冧我黎瞓架, 你快D抱我啦....不過抱我仲要加返個奶咀, 我至可以瞓著架.

Isaac 仔的喊聲 (1)

一個月零十八日:

Hi, 我叫 Isaac, 想認識我多d, 就要識得分我既喊聲喇

肚餓喊聲

岩岩扎醒左, 又想繼續瞓返既喊聲如果我咁叫, 你都唔理我咁我就會>>>待續

忙碌的一天

一個月零十七日: 媽媽做產後檢查日. 爸爸好好呀, 請了一天假, 順便帶BB返浸會做聽力測試.

感謝主, BB好合作, 一直瞓覺, 所以我地好快就PASS左個聽力測試了.

貼了測試用的貼紙在面仔上的Isaac (其實睡眼惺忪, 比人搞完塊面又繼續瞓著左)

跟住, 行程就去私家醫生覆診了, 等了好久呀.....幸好BB又好合作

, 繼續瞓, 瞓到搭車返屯門都繼續瞓

唔知呢對小手, 會拖實媽咪幾耐至放手呢?

因為私家醫生那邊等了好耐, 所以爸媽都無時間食飯, 回到屯門又要飛的去母嬰院繼續做產後檢查. 又係等左好耐....

Isaac仔就好梳乎瞓係母嬰院張換片床上面...次次幫 Isaac仔換片, Isaac都好開心架, 好多時都對住媽媽笑. 可能換完片片舒服哂掛.

當然呢個唔係佢笑容啦.

搞到五點, 卒之返到屋企了. 放低 Isaac係屋企後, 爸爸媽媽又好匆忙咁出街買家庭補給品和睇下有無玩具可以買比BB.

Isaac: 乜婆婆咁耐仲未黎到同我沖涼涼架, 我今晚仲要同公公婆婆出街食晚飯架嘛....

2009年5月26日星期二

係咪百厭星?

一個月零十五日:

Isaac: 我個樣似唔似百厭仔呢?

其實我好好腳力架, 你睇下

一個月零十六日:

無人陪我玩, 我一個人都可以自己玩YOUNG腳, 仲YOUNG埋自己對腳出黎TIM.

Isaac 而家最鐘意YOUNG起兩隻腳仔, 加埋頭側側咁自己同自己講野, 好搞笑架.

2009年5月25日星期一

未滿月時的連環拍

爸爸翻看相機, 見這幾張連環拍好得意, 所以要媽媽POST上來.

拍攝時間: 四月三十日.

對比返今天的Isaac, BB真係肥左好多呀.

一個月零十四日

話咁快, Isaac昨天出世一個月零十四日啦. Isaac越來越聽話, 無以前咁成日喊. 不過, 喊起上黎, Isaac依然唔係人咁品.

一個月零十四日:

媽媽都忘了喊什麼了. 總之連床圍都差點拆埋.

不過返到教會, 忽然又好聽話瞓足全程. 媽媽可以專心聽道.

Isaac 滿月時, 媽媽還有18磅要減, 一個月零十四日, 媽媽還有12磅要減呀. 希望返工前可以回復本來體重啦.

2009年5月23日星期六

好危

一個月零十三日:就係呢對強而有力的小腿, 把放在阿B隔離呢個夜晚瞓覺的籃YOUNG左落地. 按包裝盒寫, 個籃重成128G.

案發經過: 話說媽媽餵完奶奶, 都已經下午兩點, 肚餓左好耐, 諗住搞點左阿B又唔扭計, 拿拿聲倒碗飯入自己個口再洗埋碗. 洗碗期間, BB開始喊, 媽媽心諗: "等我洗埋碗先...." 點知聽到"彭"一聲, BB又繼續喊, 心諗: "應該唔係阿B跌落地, 阿B都無特別喊得淒涼, 可能係垃圾桶聲掛(媽媽剛倒垃圾)", 跟住再諗諗下: "唔係喎, 阿B分分鐘YOUNG左個籃落地"

一如所料, 咁重既籃, 真係比Isaac young左落地. 阿Ｂ當然個身都斜哂啦. 因為媽媽曾經目睹Isaac仔young到自己頭仔同腳仔位置180度掉轉. 所以, 媽媽真是抹一把汗, 幸好發現得早, 否則Isaac就會由大床young到跌落地下, 跌親頭仔了.

2009年5月22日星期五

學習

一個月零十二日:

昨天婆婆煲了金銀花幫 Isaac沖涼, 預防身仔都出埋油脂炎. 媽媽仲用埋煲左金銀花既水幫囝囝抹面, 今天面仔靚左好多呀. 媽媽好想錫阿B一啖呀.

特別係呢個樣, 最引死媽媽. 成日食完奶掃風就著左了. 不過係假象黎架, 一放上床, 唔夠十分鐘又醒過. 一日重覆好多次抱上抱落既動作.

今日媽媽離開左BB有近四個鐘了, 因為媽媽今天開始返學呀, 要的起心肝讀返日文至得. 放學打電話比爸爸, 知道Isaac扭計, 個心都不知幾想飛返屋企湊阿B. 做人阿媽真係牽腸掛肚呢種感覺, 我開始明白了. 不過, 媽媽知道, 是時候要學習一下離開BB了, 因為媽媽一個月後都要返工嘛. 所以, 媽媽都開始學習信任鐘點EE, 希望返工後, 鐘點EE會湊得你好好吧

2009年5月21日星期四

呃得下人架

一個月零十一日:

Isaac: 媽咪, 我今日個樣係咪靚仔左啦, 無哂焦焦, 可以見人喇.

媽咪: 唔係呀衰豬, 你睇下, 你個面珠仲有一撻撻呀, 不過好快好返架啦.

Isaac: 點解會咁架~~~

2009年5月20日星期三

玩痢仔

Isaac一個月零八日開始, 開始玩伸痢仔. 不過一直影唔到相.

到一個月零九日, 終於比媽媽捕捉到呢刻啦.

BB面仔都好返好多了, 焦焦甩哂咁滯. 不過仲有一撻撻紅色, 而且變得好乾.

一個月零十日:

今日面仔又好返好多啦, 遠睇皮光肉滑. 不過都仲係紅色一撻撻同埋好乾.

出世到而家, Isaac一發忟, 就會起勢扯自己頭髮. 就黎扯到自己光頭啦仔仔.

出世個時, 頭髮明明好貼服. 而家唔得了, 因為日日阿B都扯自己頭髮好多次, 卒之變左咁既樣. 樹起哂.

2009年5月18日星期一

婆婆米袋

一個月零八日早上: Isaac面上的焦甩左好多啦, 差不多好返了.

下午: 甩剩咀仔上面幾塊焦咋, 阿B恢復返皮光肉滑.

昨晚收到婆婆親自制的米袋, Isaac過去廿四小時, 果然好正常. 起碼唔會瞓瞓下忽然驚叫然後大喊, 喊到收唔到聲.

見到阿B瞓得好, 媽媽都好開心呀.

2009年5月17日星期日

抖氣

一個月零七日: 天氣太熱了, 阿B要抖抖氣. 手腳都伸哂出黎. 下次要攝好床圍至得

捱了個幾月無覺好瞓, 一臉倦容的殘媽媽和食飽飽瞓著左的BB. 明明扮到好精神個樣, 但影出來, 好明顯都掩飾唔到媽媽的疲倦呀.

這天, Isaac的面仔, 好像又好了一點了, 少了好多焦啦.

2009年5月15日星期五

好左定惡化左?

Isaac越來越唔聽話, 次次食奶奶, 食五分鐘就自己瞓著, 慢慢食又或可能根本無食, 只係啜住黎瞓. 打又唔醒, 放落床瞓左又大喊又要食, 跟住五分鐘又瞓. 激死我呢個本身都無乜耐性的媽媽.

本來以為滿月之後, 阿B食奶會好D架啦, 心諗: 捱埋佢啦, 繼續餵人奶啦. 點知滿月之後都無改善. 晚晚凌晨十二點, 好難至打得醒阿B, 跟住等佢喊到自己醒哂....誰不知, 又係食兩下自己瞓覺, 放落床又喊...次次要搞到差不多半夜兩點至輪到媽媽休息. 接著, 四點零五點又喊過又要食.....計埋媽媽只可以恰兩個鐘咁多. 諗住食完一大早的奶, 媽媽又可以瞓啦, 唔知點解, 清晨四點零五點呢餐, 阿B永遠都係要折磨媽媽到早上七點....不停重覆打醒阿B啦, 掃風啦, 放落床啦, 跟住又喊又要抱過再食啦, 換片啦. 媽媽跟住都比Issac整到人都醒哂, 好難再瞓得返, 跟住又到早上九點一轉的人奶啦........一日廿四小時, 基本上時間就是這樣比Isaac佔去全日.

為左試下阿B係咪真係食奶粉會易湊d (婆婆成日話食奶粉無咁扭計, 起碼食飽即刻瞓, 咁媽媽都無咁辛苦), 媽媽今天半夜決定, 開始幫BB逐步轉飲奶粉啦. 由今晚凌晨十二時個餐開始. 希望BB飲完凌晨個餐, 唔駛到一點就自己瞓啦, 咁媽媽就比以前可以早一個鐘瞓覺.

一個月零五日:

油脂炎唔知叫做好左定差左呢....爸爸好衰, 成日幫Isaac改花名, 今次又叫阿B做胡鬚勇.

一個月零六日: 經媽媽勤力清潔和塗葯膏後, 油脂炎好像沒有減輕喔....除了堂眉回復稍為正常一點之外

但下巴和面珠, 就結哂焦. 見到都替BB痛, 因為看來, 應該都幾崩緊皮膚的.

今天, 家裡存貨沒有了, 唯有一個人揹住阿B出街補給補給. 原來揹住阿B出街, 真係唔可以買餸架, 條頸已經揹住阿B好累, 隻手仲要拿重野, 真係有點後悔出街補給呢. 阿B仲要係超巿喊, 好在我呢個媽媽帶備奶咀, 搖下阿B等佢停左喊喊後, 塞佢食奶咀....跟住阿B就係超巿裡面瞓左. 前後無五分鐘. 好險喔~~~~否則媽媽就好狼狽了...如果BB的喊聲驚動所有人怒啤的話

返到屋企, 好在阿B仲未醒, 否則媽媽的早餐, 又要攤凍至有得食了.

2009年5月14日星期四

油脂炎BB

Isaac由十二朝開始, 塊面開始出粒粒, 初初以為自己食完薑醋又飲廿八方, 搞到BB咁核突. 最近兩周, Isaac的粒粒惡化左, 仲要爆"農", 而家仲要生埋焦, 真係核突死人.

近看BB的面珠都唔平滑啦, 堂眉仲要生左兩條又黃又綠的焦. 好恐怖. 下巴又結哂焦.

一個月零三日: 健康院覆診, Isaac竟然重左, 有4.52kg, 估唔到餵人奶都重左. 開始心淡的媽媽, 仲打算Isaac無重到的話, 就放棄餵人奶, 而家即係要繼續努力餵人奶啦. 母嬰院醫生話, BB面珠係油脂炎, 因為面油多, 天氣又熱, 唯有等佢自己好返啦....唉, 媽媽越望, 就越担心會否變花面貓, 第時唔靚仔.

一個月零三日: 搗蛋王又黎, 床圍都歪哂, 又係喊到YOUNG自己上床頂再轉九十度.