真相大白

Isaac 持續兩周, 都固定在下午四時多開始發作, 不停喊不停喊, 喊到晚上八時半. 一直以為食唔飽, 塞佢再食奶奶, 點知一食又瞓覺, 放落床又喊. 搞到媽媽就黎精神崩潰, 這兩周, 沒有一天可以安安靜靜吃晚飯, 通常要冧到Isaac瞓著左或者喊攰左, 即是八時半後, 才可以食飯.

今天, 媽媽終於頂唔住眼瞓, 五時多放棄繼續抱完又餵奶, 餵緊又瞓著, 瞓左又喊醒要人抱的Isaac. 婆婆頂不住Isaac的惡少喊聲, 親自出馬. 喔, 原來, 衰豬兩個禮拜一直嘈, 原來不是吃不飽, 婆婆說, 是扭眼瞓呀. 婆婆抱著Isaac好地地, 放落床又喊, 於是索性抱著Isaac, 塞佢食奶咀再加紗巾遮住Isaac雙眼, 等八卦的Isaac唔好咁惹性周圍望, 專心瞓覺. 無得周圍望, 衰豬果然好快瞓著左, 仲要熟睡個種. 真好.

今天, 我終於可以有一個安安靜靜的傍晚啦, 仲可以專心一個人慢慢食坐月的晚飯, 唔駛一路食一路趕住餵奶. 希望衰豬日後唔好再定時定候喊足幾個鐘啦. 咁媽媽就會舒服好多, 起碼有時間休息下嘛.

DAY 27

Isaac好鐘意成日捽自己個頭, 摷到自己個頭變左傻佬咁亂髮一堆. 仲要係瞓醒又捽自己個頭, 瞓著都可以係咁捽......原來是遺傳了媽媽bb時的動靜呀(婆婆說)

DAY 28

衰豬晨咁早就叫醒媽媽食奶奶, 不過食兩食, 變左呢個衰樣~~~要瞓覺. 媽媽就黎無耐性再餵你人奶啦, 媽媽都要瞓覺架.