開始愉懶

因為實在太累, 昨天半夜的夜奶, 聽爸爸勸告, 索性餵Isaac飲奶粉算. Isaac呀, 鬼叫你食人奶食得咁慢咩, 媽媽好攰架嘛. 等你食快D時, 媽媽再半夜餵人奶啦.

DAY 26, 另一偷懶是, 又是聽爸爸勸告加上自己真是頂唔順了, 今天起, 媽媽索性放棄每兩小時摷你起床飲奶. 一於等你自己喊肚餓喊醒至餵奶. 爸爸說你黃疸都退得七七八八, 媽媽無謂再咁辛苦連自己休息時間都無, 不停餵你食奶奶. 今天, 媽媽終於似返個人啦~~~似人一樣, 可以瞓下小睡(都瞓到兩次, 每次有45分咁耐架), 又可以洗下碗呀...好開心呀, 今天唔駛成日坐係到餵奶又換片又掃風, 明明眼瞓都要死撐來餵你食奶奶.

唔知係咪心理作用, 今天沒有不停摷你起床食奶, 感覺上你又好像乖左, 起碼唔會成日扭計, 可能是你都不愛被人騷擾睡覺吧.

打呵欠的Isaac