媽咪辛苦之行~~~迪迪尼

呢日放學, Isaac 同同學仔一齊去迪迪尼. 先醫好個肚, 跟手排隊去玩車車. 未開車仲笑得出口.

一開車, 架車都幾挫下. 搞到仔仔中途就嘈要落車, 因為驚驚. 阿媽唯有安慰下佢引開佢注意. 唉, 乜連性格都似媽咪, 對機動遊戲無興趣.

寧願排隊渣架唔郁既車黎影相

跟住又排隊去玩飛船. 其中三隻雄性馬蹓係度玩欄杆. 果然男女好大分別, 同行既女同學斯文好多.

因為玩完好挫既車, 仔仔有陰影. 都未落架飛船到, 已經喊哂口. 媽咪好無奈咁抱住佢係出口睇住同學仔玩囉.

之後又去玩巴斯光年, 媽咪好驚呀~~~因為岩岩有陰影. 心諗, 如果入到去又扭點算~~~好在, 媽咪出盡九牛二虎之力去吸引仔仔, 入到去, 仔仔見到架車無怕不特止, 入到去黑猛猛都唔嘈住要走. 媽咪真係覺得好叻~~~加鬆左一口氣.
Isaac: 媽咪, 我叻唔叻呀?

人多磨下磨下又入夜. 趁反斗寄兵未關門, 影張相先

幾個人之中, 係媽咪未黎過反斗寄兵架咋, 所以點都影下相先. 淨影呢個背景, 不知喊叫左幾多聲....都唔成功咁冷靜到仔仔企定定比媽咪影, 唉. 嘔血.

成日都無影過卡通人物, 媽咪離一離隊, 排左幾個字, 同翠絲影張相, 都叫做土過下迪迪嘛.

影完集合返, 行出食飯, 大件事囉. 遇著仔仔發難大喊大扭. 媽咪變左潑婦上身, 又扯又鬧又抱, 都抱唔走仔仔. 哎, 擾攘左好耐, 卒之仔仔收聲~~~~然後伏左係媽咪膊頭入睡.

惡夢就黎~~~~~由迪迪園行返去車站再出返青衣, 呢一個鐘, 媽咪係咁凍既天氣下, 係全身濕哂. 忽然好想爸爸快d出現, 抱走仔仔啦. 仲要搭港鐵時, 無人讓座. 真係手都跛. 同學仔借架車仔黎坐, 可惜好幾次都失敗, 依然要抱住瞓.

卒之捱到去青衣城. 夾硬叫仔仔起身坐車車啦~~~呢d車, 佢就肯坐, 即同媽咪起身加落地加跑埋去逐架車坐. 仔仔, 多謝你咁合作. 不過媽咪對手斷左了.

迪迪尼無同米奇合照, 呢度卒之可以補返張. 呵呵.

媽咪盤算緊, 下次去迪迪尼, 要點安排至得呢~~~~媽咪唔想又斷手返屋企呀.