八個月嗲死人

1 Dec 11 Claire 話咁快就八個月了. 回想返呢八個月, 媽媽總括而言, Claire 係一個好嗲既妹妹黎~~~~不過嗲既方式係: 好大聲公咁叫, 係佢既出名表達方式. 媽媽就理解佢係想嗲人. 好似咁: 如果無人係妹妹三尺範圍內, 妹妹會大叫~~~叫到有人出現係佢三尺範圍之內為止. 又好似咁: 到今日妹妹三四日都會向後中(坐唔好), 明明中落地墊,都要大叫扮喊, 抱起佢呵返啖都要大聲扮喊幾野. 又例如咁: 屙親poo poo 都要擘大喉嚨去喊(但又無眼淚架喎). 如果咁去理解佢係一個嗲人, 就可以理解返, 點解一出世, 妹妹由朝喊到晚喊足幾個月~~~因為當時佢長期都係一個人瞓係單人房樹吖嘛.其實係喊人陪.  阿媽終於明了.

Claire: 咁我下次細聲d叫囉.

Claire: 話時話, 呢個玩具係咪想train 我手指插入去架

Isaac: 哼~~~唔好搶爸爸砌比我架直昇機呀 Claire: 我夠有玩具囉

Claire: 嘻嘻, 只要我扮喊大叫, 以我既"聲"勢, 你實要讓架直昇機比我既~~

2 Dec 11 呢日媽咪返到屋企, 發現妹妹著左件單衫, 哎, 凍死囉. 加上又凍左喎, 卒之好似有少少燒. 担心死媽咪.

3 Dec 11 呢日仲係好似有少少燒. 不過媽咪只比左退燒葯妹妹食, 因為好低燒. 同埋好似燒下唔燒下咁. 哎, 又係担心死人.
Claire: 媽咪, 我無事呀

兩兄妹幾咁相親相愛, 成日見親都要攬頭攬頸. 唔知幾時開始會曉爭玩具呢

忽然屋企出現左熊貓趴地

Claire: 嘻嘻, 唔駛驚, 係我呀

兩兄妹黎架, 睇佢地笑法一致就知啦, 一齊笑到歪咀既

4 Dec 11 媽咪呢日好頻撲, 唔記得影相. 傍晚補返張相就要餵粥了.

在此希望妹妹身體健康.唔好成日病.