聖誕趴地

Isaac 人生既第一個表演, 媽媽暗示要爸爸請假去睇...卒之父母都可以齊齊出席. 等到頸都長, 終於到仔仔個班上台.

係後台周圍望既仔仔. 後黎媽媽好努力咁揮手, Isaac終於見到坐係側邊既爸爸媽媽, 跟住同我地笑完後, 就同老師講野仲指住我地, 可能係同老師講, 爸爸媽媽黎左啦.

可惜男仔企後排, 唉, 遮住哂影唔到相. 不過八卦既 Isaac 係咁裝出黎.

高抄都揾唔到 Isaac 企左去邊.

卒之因為前排幾個掛住喊, 老師捉左後排企得定既男仔上黎. 包括Isaac.

企前排仲識笑, 媽媽比個叻叻你. 好幾個同班同學仔, 企左無耐已經喊到豬頭咁, 有d仲要老師抱住唔肯落地.

Isaac: Rex, 你見唔見我媽咪坐左係下邊呀?

好快表演完, 跟住到其它班級表演. 一個悶字, 悶悶悶....唉. 各家長都悶住坐, 心諗, 完咪架(真架, 係fb 有人咁留言)

所有班級同興趣班都表演哂後, 又要逐班上台同聖誕老人拎禮物. 各小月友又係喊到豬頭咁.

好可愛既喊樣....係另外一班既.

終於等到Isaac個班上台拎禮物了.

Isaac: 媽咪, 你睇下, 我有禮物呀

Isaac: 咦, 唔見左媽咪既

黎緊日子, 大把呢d表演同畢業禮要睇. 媽媽希望可以做到, 每次仔仔有份表演時,媽媽都可以坐係下邊啦. 因為媽咪咁大個, 幼稚園小學中學既表演,都無人黎睇, 所以好明白小朋友係好想屋企人黎支持既心態架.

聖誕假期, Isaac 同學仔又一齊玩. 呢日係去我地屋企玩. 同同學仔係屋企食左飯至落街玩個夠. Isaac 好好客, 係咁拎玩具比朋友仔玩.

好在都有個姐姐陪妹妹玩波波.

有風度既Isaac就去推車.

Isaac: 我唔玩波呀, 唔好追我啦.

一如以往, 女多男少. 女同學好靜咁聽工姐姐唱歌歌, 仔仔就係度玩鐵門. Isaac: 媽咪, 我係度呀

其中兩個女同學走左, 淨返五個小朋友交換禮物. 呢幅合照擾攘左一陣, 由頭到尾, 得 Isaac 坐定定維持住呢個pose. 好搞笑. 莫非 Isaac 鐘意影相?

又係第一個拎左張飛.

Isaac: 睇下幾號先

跟住成程又係拎住份禮物黎影相.

臨走,媽媽同仔仔女女影返張相留念先....爸爸返工工, 無得影. 下次等佢自己key返個頭上去啦.