1 Sep 12 話咁快, 由當日骨柴柴既Claire, 終於十七個月大了, 肚腩仔現哂出黎. 終於似返個細路. 媽媽而家成日輕撫佢頭髮, 係度諗, 吖, 如果當日不停站咁餵妹妹食奶奶, 會唔會阿妹會無咁細粒呢?
睇下, 腳板都開始有返肉了. 同仲係BB個時, 一隻露骨腳板, 差好遠.
2 Sep 12
17個月大既妹妹, 最鐘意學哥哥, 好似要著阿哥對拖鞋, 阿哥出街鞋, 甚至乎一舉一動都要同哥哥一樣. 有次哥哥開學揹書包, 妹妹又要揹書包. 點知一聽到哥哥講, 你唔駛返學架~~~~阿妹即當場大喊. 無解, 皆因阿妹最鐘意出街. 唔駛返學咪即係無得出街囉. 仲唔大喊迫人就範咩
睇下, 腳板都開始有返肉了. 同仲係BB個時, 一隻露骨腳板, 差好遠.2 Sep 12
17個月大既妹妹, 最鐘意學哥哥, 好似要著阿哥對拖鞋, 阿哥出街鞋, 甚至乎一舉一動都要同哥哥一樣. 有次哥哥開學揹書包, 妹妹又要揹書包. 點知一聽到哥哥講, 你唔駛返學架~~~~阿妹即當場大喊. 無解, 皆因阿妹最鐘意出街. 唔駛返學咪即係無得出街囉. 仲唔大喊迫人就範咩
3 Sep 12
17個月既Claire, 識講好多叠字之外, 仲好快模仿到唔同字加埋既名詞. 好似係牛肉, 豆腐, 哎呀, 1, 2 總之你要佢跟你講, 你只要慢慢講一次, 阿妹就會好快咁跟你講. 學習能力一流.
Claire: 咁究竟17個月大既我, 似邊個呢?4 Sep 12 呢日媽媽返大陸, 遇著爸爸放假帶哥哥去左海洋公園. 留返Claire一個同工人係屋企. 後尾工人話返比媽媽知, Claire 食晚飯時間, 度叫媽媽, 媽媽跟住喊. 可能係掛住媽媽掛. 其實呢個情況, 係Claire 仲係幾個月飯仔時, 當年既工人已經咁講, 每次媽媽比平時遲返, 工人都話妹妹扭計囉, 要揾媽媽~~~個時媽心諗, 有無咁誇張呀, 四五個月人仔咋喎, 一歲都未夠. 咁快識揾阿媽, 仲要知阿媽出左街?? 但如果按而家既Claire, 佢又真係會咁架喎. 每次媽媽比平時遲返, 阿妹真係會喊, 要揾阿媽. 唔通當年今日已經咁醒?
沒有留言:
張貼留言