無媽媽陪的日子.

5 Sep 12 呢朝三叔上黎. 岩哂妹妹啦, 有男人陪佢玩喎. Claire: 你唔好拆穿我啦.

Claire: 三叔, 我比公仔你玩吖, 你唔好走住啦.

Claire:哎呀, 婆婆, 你唔好迫落黎啦.

6 Sep 12 一臉嬲爆爆的Claire: 乜媽媽呢幾日咁夜返架..... 無人陪我玩

7 Sep 12 Claire: 媽媽, 你今日咁早返既~~~八點半咋喎.

可憐的媽媽, 呢個星期都好夜返, 真係難為兩兄妹, 悶足一日. 晚晚自己食飯.

Claire: 媽媽, 我刷牙牙呀.  衰妹呢輪唔肯刷牙, 遲早爛哂D 牙. 呢次係阿哥企係隔離刷牙, 妹妹至有樣學樣刷兩下. 不過唔係次次都WORK架呢招.

8 Sep 12 呢日難得爸媽一齊短週. 之前仲係咁問爸爸去邊好, 爸爸懶有大志咁話去大棠又話去濕地, 點知接完哥哥唱歌返屋企, 即關埋門自己瞓覺. 媽媽心諗, 講咁多去邊, 最後都係瞓覺.....即係呢日大家都休息啦. Claire: 媽媽, 我好悶呀

妹妹做乜? 咪就要落沙發囉, 都唔知邊個教佢既. 明明教佢反身落, 但呢輪見阿妹落沙發, 都成個人跣低. 但對腳又要唔夠長喎. 永遠跣到呢個位, 就係咁叫...求救. 真係好笑.