升K1

3 Sep 12 Isaac 升 K1了. 不過過左一個暑假, 阿仔仲未習慣早起. 呢日晨早比人摷醒, 你睇, 成副瞓覺樣咁行出街.  

車上合照. 媽媽去年讓比爸爸陪阿仔上第一堂. 以為K1可以陪阿仔返第一日啦, 點知撞正呢期要開鋪. 嗚嗚, 唯有又係由爸爸陪Isaac返學啦. 媽媽送到門口就要啟程北上了.

Isaac: 媽媽, 你放心啦, 我大個仔, 無喊架啦.

Isaac: 你睇我砌得幾投入.

day 1 返一個鐘, 一班分兩組上堂. 雖然係轉左新學校, 但Isaac好快習慣. 咁樣睇落去, 好似Isaac高人一歲咁既.

Isaac: 媽咪, 你而家至知我高大咩?

DAY 2, 著運動衫返去. 呢日卒之有茶點了. 係阿仔至愛.

DAY 3 開始要自己返學了. 阿仔無喊. 不過好唔捨得咁離開爸爸囉.
不過放學, 拎左隻旦返屋企, 真係好有HEART. 種花勞作唔係比粒種木咁簡單, 而係一人一隻旦, 仲要自己剝殼, 對 Isaac黎講, 真係好好玩, 睇住隻旦穿一估洞仲要幾日後有草生出黎喎. 媽媽又對呢間新學校加分了.