八方美學

20 Oct 12 台北第二日, 我地10點半由飛牛牧場包車去小人國. 一個鐘車程就到左. 拎住海洋公園annual pass 買小人國門票有折tim. 折左台幣450. 多口問摩克包車, 佢地都有提供一樣價錢的小人國票喎....不過媽媽為左有彈性, 所以無同摩克買定門票....卒之上車後, 司機又話, 經佢地買門票, 可以平過NT450一張....嘩, 咁好?? 當然佢都有佣分架啦, 只係分少D佣, 死都要賺我地幾張門票的佣錢. 所以, 我地比摩克帶入一間團體票房買飛, 成人一張係399....比自己拎住海洋公園PASS買, 平左NT51元一張咁大把.

入小人國, 最嘥時間~~~本人認為, 就係睇呢堆迷你模型了. 但佢又要迫人先行勻佢個迷你世界, 至可以坐佢既遊園火車, 去到老年咁荒遠既樂園區玩.


中正紀念堂. 當係遊左架啦, 呢次旅程無安排去參觀

又熱又曬, 幾經辛苦至行完迷你區, 搭小火車去玩. 雖然好似好多人, 不過, 排隊玩機動遊戲既人唔算多, 好快就玩到想玩既野. 至少快過排迪迪尼先(呢日仲要係周六喎).

玩完小人國, 又坐返摩克包車出台北. 精明媽媽無包足一日, 一日八小時計, 成四千幾台幣, 但限你八個鐘, 點計由飛牛走, 到台北, 都分分鐘過八小時. 所以, 媽媽呢日係分兩程包車既. 咁岩司機又係同一人, 所以佢載住我地既行李就走, 我地仲唔駛煩放行李係小人國既COUNTER TIM.

回程, 叫司機係台北出名既東區粉圓停一停, 點都要試下所謂出名既粉圓
 爸爸的粉圓紅豆. 媽媽就食粉圓豆腐花, 豆腐花有啜得溶既花生....究竟要煲幾耐, 至可以唔駛咬粒花生, 還是粒花生其實唔係叫花生呢?

呢晚我地搭捷運去食點水樓咋~~~~不過行去捷運站, 見到台灣食評網好出名的鬍鬚張魯肉飯~~~~嘩, 當地人咁鐘意呢間野, 媽媽梗係要試下啦. 返酒店時買一盒試, 雖然好飽...... 好懷舊的紙盒. 隔住呢個紙盒, 都可以聞到好香好香的味道~~~~

 登登登鄧~~~~~同香港食開既台式魯肉飯唔同賣相. 究竟面個塊係乜呢? 唔知道, 因為媽媽實在太飽, 只係扒左飯做消夜....唔敢食呢塊疑似肥膏的豬肉. 飯就唔係台灣既QQ口感飯, 好散下. 不過個汁呢.....食完都唔知係乜汁整既. 莫非呢D就係正宗台灣魯肉飯, 受當地人熱棒?

呢次台北之行, 我地住八方美學, 貪佢夠大, 可以比兩隻馬蹓周圍跑搞呢搞路. 地點唔係媽媽考慮之列.

八方美學, 出名係佢既廁所夠大~~~~大到用黎跳舞都仲得



 另一邊係梳洗的. 可以想像有幾大個浴室呢.

仲有出名係佢有按摩浴缸. 本來未出發, 媽媽迫左爸爸洗浴缸比兩兄妹玩浸浴的. 但去到台北, 根本無時間行藥房, 所以最後無買到消毒葤水去洗缸....一早叫左爸爸帶定一支去架啦. 搞到最後個缸, 只係比爸爸浸左一晚咁大把. 嘥哂.
 浴缸仲可以睇電視架, 阿仔就係睇住電視黎沖涼, 正.

八方美學招牌燈花~~~~係我地房門出面就射左一朵出黎


原來床上仲有一朵.....另一邊係臨時加床的. 媽媽一直好好奇, 如果唔加床, 咁另一邊原本係放乜既呢~~~


八方美學有樣好奇, 就係居然係有電子滅蚊器的~~~~~卒之, 呢晚媽媽發現自己有幾撻蚊LAN. 究竟係向農場吖, 小人國吖, 還是係呢間酒店惹返黎既呢....一個謎黎

情人眼裡出西施

話說呢晚, 爸爸建議去屋企附近既pokka 食飯, 因為係屯門坐得最舒服的一間餐廳, 所以我地都成日去. 又話說呢晚, 爸爸忽然未經媽媽批準, 就點左呢客咁驚人既重量級雪糕新地...話有八球雪糕, 但媽媽分個時, 又唔係好覺有八個球囉.

雪糕咁易肚痛, 妹妹又未識表達肚痛. 所以媽媽只係分左面個d 夾餅比Claire食. 點知衰妹見到唯獨佢一個食夾餅, 大家都筆緊雪糕時, 佢又要指住呢杯巨型雪糕, 話要要要(吖, 明明大家都各自係自己碗筆雪糕架, 點解Claire 又會知大家碗中的雪糕, 係大杯裡邊的雪糕呢, 小朋友真係咪睇少佢地)

卒之媽媽心軟, 比左好少好少的雪糕, 滴係佢夾餅上面, 卒之超級揀飲擇食的Claire, 就出現呢副樣
 Claire: 好味呀....我lam lam lam, lam哂雪糕去.

 繼續伸脷lam雪糕. lam完居然放返低舊夾餅, 唔食, 繼續要雪糕, 激死. 不過呢個lam雪糕的樣, 媽媽覺得好靚女呀, 莫非呢 d 叫情人眼女出西施??

Claire: 我呢個姿勢, 夠唔夠引人呀?

飛牛牧場. 摩克包車 ~~ DAY 1

呢次去台北, 我地搭10正機. 未出發前, 諗左好耐, 都係決定包哂車, 免得拖住一個又推車又係咁轉捷運火車來回景點, 費寺失事. 包車大家都舒服D. 既然全程都包得車, 媽媽酒店考慮, 就唔再諗地點就腳的君品了. 反而BOOK 忠孝復興迠既八方美學.

一係台北落機, 咁岩對正育嬰室. 嘩, 好靚喎, 裡邊乜都有, 濕紙巾又有, 尿片又有, 真係幾方便.


呢次旅程, 媽媽周圍格過價, 最後主要用返摩克動力包車服務, 因為佢報價, 車款新同埋都平過私人經營既車公司. 頭兩日, 仲用架好新既大車黎接我地去飛手牧場同埋去小人國TIM.  本來我地唔係租咁大架車, 只係臨出發個日, 忽然加插婆婆一齊去, 所以臨時SEND EMAIL 話加人, 一加~~~就轉左呢架九人車. 當然, 價錢每程都貴多三百台幣啦. 不過主要係揾摩克租車, 所以媽媽都R左三程免費加CARSEAT

我地電話都租埋摩克, 四日無限上網加NT400 面值通話費, 都係NT400. 抵過機場買3日或5 日既電話咭, 因為之前睇, 機場個D 通話面值, 係價扣上網個VALUE的. 咁計返, 好似都係摩克平D, 所以索性租埋. 但摩克係分開咭的, 佢係租埋個電話比我地, 另加一張上網咭, 上網咭我地插入IPHONE就可以用自己電話無限上網. 尤其係我地都要CHECK住公司EMAIL的人, 真係一流

機場包車去飛牛, 係一個鐘就到.  周圍都係牛牛, 仲要加對翼. 擺明係識飛既牛.



 飛牛比想像中細, 但其實行落又好OK架喎, 尤其係小朋友去, 淨係一塊草地, 都夠比佢地跑黎跑去. D草又厚又無香港個D公園咁多蚊. 仲可以睇埋其它動物昆蟲TIM.

 遠望樹叢其中一隅, 有數隻松鼠仔.

 仲有好多蝴蝶~~~~好多好多~~~多到係令媽媽好奇, 究竟一個無網圍住既地方, 點解可以留到咁多蝴蝶; 反而香港既海洋公園有網封實既蝴蝶館, 又或者係濕地公園開放無網封住既蝴蝶角, 都唔及得上飛牛牧場呢個咁自然又可以摸到既蝴蝶區呢.

 唔好以為好普通既羊相. 其實呢隻羊, 係自己爬左上一條類似滑梯既頂上. 其實都唔知呢個頂係做乜用途, 莫非就係比隻羊行上去睇風景?

我地行動慢, 又失左預算. 翌日十點半走, 之前個日又一點去到, 但最後, 都只係餵哂動物唧牛奶. 反而自費的DIY活動未做過, 爸爸話應該留多一日. 都岩既,難得香港無農場, 留多一日, 大家都可以享受下大自然. RELAX D.

 第一日餵哂動物, 準備沖涼前的茶點. 左邊既麥芽奶係送既, 每人一支. 好好味. 不過媽媽唔敢飲太多, 因為麥芽收奶. 咁妹妹呢幾日就無奶飲了. 反而隔離的雪糕, 好大杯....不過唔好食. 食唔出有幾特別. 雞蛋布丁更加唔駛講, 一點都唔特別, 嘥哂我地個胃TIM.

明明係好HEA咁玩, 但最後又係趕頭趕命, 兩件細既沖哂涼都七點. 嘩, 開TURBO 咁去找晚飯, 因為八點又有個FREE 既DIY 活動. 呢個係住宿包埋既. 話時話, 本來我地BOOK左庭園房架~~~臨時加插婆婆, 我地DOWNGRADE左去有房既標準四人房~~~好在係咁咋, 原來庭園房, 每次出去玩, 都要行樓梯上返山架. 反而標準房, 就係中間位置. 即去玩都唔駛咁嘥腳骨力.

懶特別咁試呢個牛奶火鍋~~~~勁後悔, 一點都無特別又無牛奶味. 牛肉又貴又麻麻好食. 真係快趣醫肚算.


爸爸買的飲料. 個支中間桑椹汁, 唔知乜叫淼椹, 但只可以話, 佢同酸梅湯係有八成相似味既.

好趕咁鯨吞完火鍋, 我地又趕去做DIY, 呢晚係教整牧草粿. 媽媽攰到七彩, 加上要負責影相所以落手搓既, 主力係爸爸, 副手係哥哥.....好辛苦至等到制成品蒸好, 又好似幾好味喎, 唔會太甜....左手不同形狀, 係另外台灣人自己搓的, 右手邊幾個大圈, 至係爸爸搓架.

去飛牛, 必帶係防蚊貼, 雖然我無見過有蚊. 但離開左飛牛後, 我身上都有戰痕~~~唔知係小人國惹返黎吖, 定係向飛牛餵左蚊了.

飛牛一遊到此為止, 下次試下去清境先, 應該靚好多同埋再大D.

劍擊第四擊

第四堂劍擊, 媽媽一去到, 原來已經開始學進退打劍. 好在趕得切錄哥哥DEMO 姐. 

呢堂, 爸爸卒之趕得切黎觀堂, Isaac不知幾咁開心, 成家人黎齊睇佢上堂. 

不過未到 Isaac 時, 佢就周圍擰, 係咁撩人講野. 成個背脊對住阿sir都夠胆死. 媽媽真係希望阿仔可以透過劍擊, 專注力提高, 留心上堂啦. 

 不過輪到Isaac 時, 佢真係好專心架喎. 叻叻. 唔知係咪等既時間長, 所以小朋友都係會郁黎郁去呢. 

著左條袍的哥哥, 有板又眼篤對手. 

Isaac: 再黎我又篤你架啦. 

兩個小朋友, 其實都算斯文, 可能仲係細, 未去到狠既階段. 

Hello Kitty 候機室??

22 Oct 12 行程最後一天, 梗係要買手信. 雖然我地搭四點幾機, 不過呢日全日都無節目, 係超HEA......點知最後都係唔HEA.

HEA第一站係抱住Claire 出去買早餐. 食完後, 跟住一齊搭一個站去附近百貨公司買手信. Claire: 嘩, 出面好似好曬 

Claire: 有哥哥拖住真好.  由呢張相就可以想像個日又係有幾曬幾熱, 真係咁熱天時, 人都攰D.

十點幾去到百貨公司, 捷運個層入口無開, 以為十一點至開啦. 後黎磨下磨下, 磨返上地面睇, 原來係局部開左, 落B2既手信店, 都開左了, 激死, 早知唔嘥時間遊街啦.

 Claire: 我直覺話我知, 好快有野食, 拿拿臨放低呢袋早餐夾餅先. 

 Claire: 爸爸, 我黎喇.....快 d 比你手上塊餅我啦.

 Claire: 唔....好味, 不過無哂咯....

Claire:奸計得逞, 又冧到爸爸問店員拎多塊餅我試食. 嘻嘻

有相為証, 阿妹好小心咁用兩隻手仔食餅架, 連身旁咁可愛的熊熊旦糕都視若無睹.  哥哥: 阿妹, 你睇下, 個旦糕好得意呀....

最後, 我地明明好HEA, 但都係無時間食LUNCH就包車出機場, 因為媽媽想多點時間比贵兄妹玩HELLO KITTY 候機室喎.  Claire: 爸爸, 乜呢個就係hello kitty 候機室喇? 咁細既?

幾經追問各大職員, 原來裡邊仲有個~~~不過唔係想像中咁大囉. 就係滑梯一座而已.唔知係咪真正候機室係長榮下邊~~但個時無其它機, 所以媽媽都唔敢落去再睇.

仲有個位, 好似幼稚園咁擺設既, 都可以叫做hello kitty 候機室掛....

我地一點去到機場, 四點幾機. 點知最後又係磨到只可以玩十五分鐘左右, 跟住又要行返去上機返香港了.  Claire: 返香港lu~~~~我呢幾日好開心呀

重陽吹泡泡

23 Oct 12 重陽節遇著早一日至入台北返黎, 媽媽都好攰, 一早都預左呢日抖下. 爸爸話返公司温書. 咁媽媽點都要帶下兩兄出去放電既. 唯有去屋企附近個公園吹下泡泡, 又可以快點返家休息. 一舉兩得. 點知Claire成程動作就係咁....真係懶到無人有. 只係伸出兩隻手慢慢行...同哥哥係咁跑住追泡泡完全係兩個樣黎.
Claire: 你唔好走呀....

Claire: 飛過黎啦.

Claire: 嘩~~~呢個位忽然咁多泡泡既~~

Claire: 咦....跌哂落地tim

Claire: d 波好遠呀, 我拍唔到呀

Claire: 媽媽, 你有無覺得我好似行得快左呀?

自從去旅行個幾日, 媽媽留意到, Claire好似開始有識跑既跡象, 不過佢身形細粒, 點跑都唔似哥哥咁快. 但都算做半跑. 希望妹妹快d 識跑, 可以同哥哥一齊跑跑跳跳啦.

第一次行路軌@菁桐

21 Oct 12 第三日遊台北, 因為哥哥鐘意搭公交, 尤其係火車, 所以呢日媽媽費盡腦汁, 決定去菁桐坐小火車去十分. 順便行下路軌. 點知, 去到已經勁後悔, 我地打的士去到菁桐, 人多到呢~~~仲要又熱又曬.

不過無阻二小姐既興奮心情. 呢日Claire 依然咁high, 邊行邊模仿哥哥指手劃腳係咁講: 醜八怪. 佢....真係笑死.

 Isaac: 唔好掛住笑啦, 行快D啦妹妹.

 小小Claire有哥哥既愛錫. 幾幸福.

天氣實在太熱, 又係咁行, 頂唔順買左椰皇飲. 老闆仲主動同我地影合照, 一共兩張咁大把, 兩張都係得父母望鏡頭, 其餘三位都餵食到掛住望住舊椰皇


行到悶悶地, 比媽媽的左上去玩平衡木.

之後, 爸爸諗都唔諗, 就話去十分瀑布....卒之又要行成廿分鐘. 嘩, 辛苦到呢. 沿途妹妹未瞓著時, 都仲影到幾張. 之後由遊客中心開始, Claire已經要瞓了. 卒之抱到媽媽手斷. 係幾日旅程中, 第一次要抱住瞓覺.
 Claire: 我話你知吖, 我其實好眼瞓喇.

 Claire: 我合埋眼瞓.....

 Claire: 爸爸, 點解我瞓醒, 但哥哥仲合埋眼瞓緊既?

捱完個十分瀑布, 我地又包車返台北. 呢日媽媽興起話去飲春水堂....經過新光A9 館, 原來而家整到好靚, 好多COUNTER 好似D SUNDAY MARKET咁.  仲有呢位人兄賣藝. 明明合埋眼, 但又會知我志企左係隔離影相喎. Claire: 但輪到我睇唔到野呀

搭左成一百蚊港紙的士至去到新光A9 既春水堂, 就係為左圓媽媽一夢, 真係多謝爸爸. 之後又飛的兩百元港紙, 去到老年咁遠既天母區~~~~又係為左滿足哥哥的車車狂熱.

媽媽係香港, 已經打電話去BOOK左成間PS BU BU 汽車餐廳唯一一個全車枱. 好在去到, 真係有得比我地坐姐~~~因為間餐廳都無乜人呀.  其它車係半邊版黎咋, 呢間粉紅色, 真係一架車.

仲可以借車仔玩TIM. 妹妹一路食一路玩車.

其實媽媽本來想食TEA的, 點知就唔到時間, 唯有BOOK 晚飯. 點知係又貴又唔飽, 食左四百元港紙, 大家好似無食過乜咁. 卒之又有理由再飛的士去附近的士林夜巿食過. 不過最緊要係先塞飽左兩兄妹個肚先, 所以呢四百蚊, 有大部分係落左係兩兄妹個肚到.