Isaac 相撲手

呢日哥哥唱完歌, 一齊同妹妹去參觀幼稚園開放日. 其實係媽媽一心帶佢去玩, 咁又一個假日活動, 一舉兩得, 幾好.

一入到去, 又比個屋吸引住. 點解阿仔咁鐘意屋玩具既呢?

玩呢玩路玩到唔願走, 又氹又扯至帶到 Isaac 上二樓既課室睇下. 最後去左一間有電腦既課室, 睇下 Isaac 坐落去, 幾咁開心.  

 Isaac: 我似唔似返工呀?

黎呢個開放日, 重頭戲唔係參觀, 係比兩兄妹放電. 離遠見到張跳床, Isaac 已經醒神哂, 係咁話要玩跳床.  跳到阿媽行開左都唔理. 果然有得玩, 阿媽姓乜都唔記得.

呢個攤位遊戲, 有六個遊戲, 玩哂就可以換茶點. 媽媽為左比兩兄妹有茶點食下~~~因為呢朝趕頭趕命, 我地四個缺水缺糧. 呵呵. 所以, 媽媽迫哥哥玩呢個大細路至岩的畫畫同相撲.
 好專心既 Isaac.

 Isaac: 我畫得靚唔靚呀?

畫完又好趕時間咁催Isaac 去玩相撲....其實可以好relax, 不過一睇鐘, 過哂妹妹食飯加上兩兄妹極度眼瞓. 唯有速戰速決. 玩完即走. 本來 Isaac唔肯玩相撲. 但媽媽話, 玩完就可以換茶點呀~~~~嘩, 聽到即刻肯玩.

 Isaac 的相撲對手, 大家咁高咁大.

 人仔細細, 揹住咁大既水泡. 好在阿哥你夠大隻咋. 如果呢個遊戲係比妹妹玩, 真係唔敢諗.

 Isaac: 即管放馬過來啦.


 Isaac: 我唏....話咁易撞低你.

媽媽錄低哂成條片架. 究竟誰勝誰負呢? anyway, Isaac玩得好開心係不爭事實. 走既時候, 仲同媽媽講, 下次再黎過.