6 Oct 12 足歲半的Claire, 又係時候要報名讀nursery 了. 咁岩呢個周六, 有兩間幼稚園開放日加報名日. 點知前一晚瞓得唔好既妹妹, 呢朝一起身都一副未瞓醒既樣. 但又唔肯瞓返喎. 磨到十點幾, 媽媽打的同妹妹先去第一間幼稚園參觀下. 一心睇下學校環境同課程. 點知呢間私校好殘舊. 唯一好, 就係個露天遊樂場叫做大.
一臉木獨的妹妹, 其實個心去左瞓覺; 但身體又好想坐上去玩喎. 卒之有呢個咁呆既表現. 
後黎妹妹指住個滑梯, 好啦, 抱你上去捐下洞啦.點知阿妹最多都係伸個頭出黎裝下就算.
入左去, 唔肯出返黎, 卒之係裡面頂天立地. 你想點呀妹妹. 卒之媽媽要親手抱走佢. 去玩另一個滑梯就係呢個了. 嘩, 迷你Claire自己行樓梯呀. 好叻女. 其實佢除左體型超迷你外, 其餘發展沒問題架, 就係因為太迷你, 街邊既滑梯樓梯, 阿妹係唔夠手長去扶, 好慘. 反而呢個bb版既樓梯, Claire就好快咁自己完成.
上到去, 幾滿足既笑容. 就知阿妹對自己行樓梯既表現好有滿足感啦. Claire: 咁都比你知道, 你果然係我媽媽呀
呢間私校安排真係差. 皆因媽媽同妹妹特登飛的過來. 企左係校門等, 原來佢仲要分流...可能太多人太爆. 等到入去, 又無職員又無廣播話要再逐間課室排隊拎飛入去trial class....只係有牌寫section 1 section 2. 咁媽媽梗係以為好似其它幼稚園咁, 到咁上下, 你就可以入去玩架啦.......點知唔係. 臨開場時, 話要拎飛. 飛仲要係上一個section一完就派下一場....嘩, 中間隔成一個鐘. 咁媽媽咪要呆等半個鐘排隊拎飛, 再等半個鐘開場入去玩??加上爸爸排緊另一間幼稚園, 我地趕時間去下場. 所以只係比妹妹玩左一陣咁大把, 就抱佢又飛的去另一間了.
去另一間係津校, 不過環境同私校個間, 一樣咁殘舊. 呢間幼稚園, 我地就帶埋哥哥一齊玩. 睇兩兄妹, 點睇都唔似隔兩年, 身型相差咁遠, 好似五六歲同個bb咁
Claire: 媽媽,呢個咁似屋企個rody既?呢間幼稚園有攤位遊戲, 所以我地帶埋哥哥一齊玩. 眼瞓到上腦既Claire, 玩呢個波波池最精神.
Claire: Hi.....不過排隊玩呢個滑梯, 就呆足全程, 完全唔知乜事咁. 同平時玩滑梯, 完全兩個樣黎.
呢日妹妹好勁, 捱到兩點幾至瞓第一覺~~~連lunch都未食架. 因為我地實在好趕好忙咁走兩場開放日嘛. 辛苦哂妹妹.
沒有留言:
張貼留言