自創歌舞

又係時候數返兩兄妹呢個暑假既玩意。睇返之前既相，去年暑假兩兄妹最鐘意玩維修BB床。不過今年無玩LU。改為玩跳舞，因為呢年兩兄妹勁愛睇韓劇。搞到兩個成日上身講"韓文"。

好似呢晚咁，Isaac 哥哥忽然上身，起勢咁跳舞唱歌。如果有人知佢唱緊乜，真係唔該話我知。（按此去片）

見到媽媽錄影，跟住又話要跳多次喎。細心D 睇，兩節舞係唔同架，好明顯即興又跳又唱，動作都即刻諗。（按此去片）

Claire 妹妹見勢，又走埋黎要跳埋一份。每個動作都睇哥哥頭，Isaac 點做佢又點做。好明顯一個模仿力強勁既小女孩。（按此去片）

跳跳下，無啦啦仲比哥哥抱起狂轉，媽媽睇到都驚。一陣Isaac 連自己轉到企唔穩，真係抱住個妹一齊中個頭落地。好在最後安全停低姐。（按此去片）

其實呢首歌，Isaac 不只呢晚唱，究竟係乜歌黎既呢？媽媽真係要留意下平時卡通係咪唱呢首歌先得。