港島一天遊

24 Aug 14 暑假最後一次出外旅遊, 係仁愛堂既港島一天遊. 晨咁早出發, Isaac 都未瞓醒. 不過睇得出Isaac 係好錫妹妹~~~~如果唔爭野玩個時.

五歲既Isaac, 坐係度玩呢個遊戲好似已經超齡咁. 令媽媽諗起佢BB時期既肥仔模樣.

雖然長得高大, 不過滿有童真既Isaac, 見到吹泡泡, 就興奮到不得了. 笑到四萬咁口係咁拍泡泡.

睇完航海古物公園後, 我地起程去中環碼頭既海事博物館. 入去無耐, 媽媽發現左可以自畫明信片, 只要係內容包含航海展品既, 呢度都會免費貼郵票寄返比自己. 其實媽媽好想知張郵票係咪航海主題架囉. 可惜Isaac 唔肯寄. 慌死張咭會無左咁.

畫呀畫, 最專心係畫畫. 仲專心過做功課多多聲.

Isaac: 你知就好啦.

 扮渣船個姿勢有模有樣.

搞搞下, 未到集合時間. 又比媽媽發現左呢間博物館有填色紙同顏色筆拎. 個名仲叫做親子填色, 乜黎博物館唔係參觀既咩? 仲有咁多時間親子填色?

畫呀畫, 油呀油, 油到唔願走. 點知咁有心機既填色紙, 最後自己摺左隻蝴蝶. 仲放上頭. 想點?

 

今日既午餐係對面既珍寶, 媽媽都係第一次黎架咋. 應該話, 係我地一家四口都係第一次黎呢度食飯.

食飽飽, 上山頂. 嘩, 無意中發現呢個佈景板同後面位小朋友好襯咁喎. 連笑容都好一致.

因為食飯抽奬, Isaac 拎左支吹泡泡, 所以一落車, 不停嚷著要去吹泡泡. 咁熱既火爐天, 爸爸又會真係比佢平台吹, 真係溶咁滯.

 

不過兩兄妹吹泡泡都好開心, 兩個都笑到見牙唔見眼.

 

Isaac: 你睇我隻眼係邊?

好在呢日都係熱兩個鐘左右(山頂個程), 比起上次去赤柱舒服好多. 下次再報名, 真係要識得選了. 不過明年暑假, 唔知Isaac 仲有無咁多時間出去玩就真.