Isaac 心情好時, 就好錫個妹. 不過妹妹無時無刻都好錫Isaac, 呢個真係要Isaac 反省下了. 好似呢日咁, 好心情既Isaac 見妹妹送佢返暑期班, 就主動話要遮住個妹. 但其實當時妹妹自己都有帶遮架(影相個時把熟係媽媽度)
佢有幾錫個妹? 平時教會既肢體旁觀睇得出Isaac 係好照顧妹妹. 又好似今次咁, 暑期特別班做左三件作品. 一接佢放學時, 即好興奮咁話中間條手巾送比媽媽; 左邊頂帽送比妹妹;佢自己要個細袋. 媽媽聽到, 心都甜埋. 同人分享自己作品唔係容易, 仲要比人用喎. 真係抵錫. 
除左整紮染, Isaac 仲有試下呢個絲印班. 雖然玩玩下, 不過放學時, 見Isaac 好有滿足感, 仲可以著住自己作品周圍去, 睇黎呢堂無上錯. 
老師傳黎呢張相, 睇 D, 真呆眼了. 以前好怕污糟好怕掂到水彩既Isaac, 好似經過一年係畫班老師教導下, 已經唔再怕顏料了. 
係個袋整左隻象出黎, 依然一臉認真繼續努力. 同平時係屋企簡直兩個人黎.
整好哂, 著哂自己作品連埋兩幅絲印既道具影相. 不過媽媽到而家, 仲未得閒拎呢兩塊野出黎同佢玩下其它野. 希望遲一點會抽到時間玩啦.
Isaac 好明顯好鍾意自己既製成品. 連著兩件T呀~~~頂佢唔順, 出面火爐咁熱, 為左要著住件自製T, 熱一熱都忍到, 厲害.
除左T, 仲有個袋. Isaac 都好鍾意, 可惜太細, 裝唔落外套, 所以之後都好少再用了.
沒有留言:
張貼留言