齊齊做花仔花女

17 Jan 15 Isaac 哥哥13年做過一次花仔. 今次輪到妹妹都有份做花女。因為姨姨結婚呀。不過媽媽個日好忙忙忙，無時間幫兩兄妹影相。所以，全晚得呢張爸爸影既擔天望"天"相咋。唔緊要啦，當留念。

唔知做乜呢，兩兄妹一齊手拖手眼望望，有乜咁好望呀喂。

妹妹好搞笑，自從做過一次花女後，就話自己唔會結婚，因為結婚件衫好凍喎。哈哈哈。跟住又話花女件衫好凍⋯⋯鬼叫姨姨話要買短袖咩，媽媽已經幫妹妹買件毛毛長袖褸。但估唔到都擋唔到寒風。令妹妹印象最深，係凍。哇卡卡。