笑住黎收新玩具

28 Jan 15 話說爸爸買親比Claire 既玩具，都唔岩Claire 口味。跟住爸爸就會好火。媽媽成日話，爸爸唔識女仔玩意囉。所以，呢日趁Claire 上畫班時，媽媽係樓下間文具店買左個FROZEN 電話。坐車期間，拎出黎比Claire 睇，嘩，睇下，開心到即刻攬住個電話笑到幾咁甜，一點勉強笑都無。

Claire: 喂，爸爸，我而家有電話啦。可以打機啦。

睇下呢日Claire 畫班整左乜先。

Claire: 估下我整乜！

 次次畫班老師都力讚Claire 好專心好比心機上堂架。

 嘩，原來係大吉大利呀。好靚，上邊仲有閃粉係桔到架。媽媽將佢掛左做新年裝飾。唔知三年後，間屋會儲左幾多兩兄妹新年既裝飾擺設呢？