首次溜冰

1 Aug 15 呢日我地忽然去左踩冰。Claire 之前一日仲學人扮溜冰，估唔到翌日，爸爸就帶佢去溜冰。著起對溜冰鞋，Claire 顯得有點內斂，明明想大笑又要忍住唔笑。唔怪得佢班主任成日話佢呢副表情好可愛。

Claire: 哥哥，你驚唔驚呀？唔好捉到我咁實啦，我驚跌呀⋯⋯

好，（按此去片）睇下兩兄妹，第一次踏足冰場，有無好似其它小朋友咁，一踏即滑鐵爐跣低先⋯⋯媽媽邊錄邊替佢地肉緊呀。

爸爸就大膽到死，邊講電話邊拖住仲未識溜冰既Claire行。媽媽勁怕Claire 比人撞跌流血呢。

講完電話，正式試下攞平衡先。

Claire 一向大膽，媽媽對佢溜冰都有信心，但估唔到佢仲好快識得平衡。只不過一陣咋嘛，廿分鐘左右，Claire 已經經得跌跌碰碰咁行埋黎。開心死媽咪。（按此去片）

兩兄妹第一次溜冰，爸爸入場已經第一時間租左隻大企鵝。雖然 Claire 已經識平衡冰上行，不過都貪玩，兩兄妹一齊坐，由爸爸搏命推。好似好好玩咁喎。

小心奕奕既Claire ，好努力咁摸索溜冰既竅門。

嘩，識行了，睇下爸爸仲開心過Claire 呀。

究竟呢次Claire 行得有幾純熟呢？按此去片就知。 一個鐘不到，Claire 已經可以溜前，好叻女呀。

有姿勢既Claire 溜起上黎，真係有模有樣。

Claire: 哥哥，不如我推你啦，我識溜啦。

Claire 識溜，哥哥都唔執輸，拿拿聲學識。兩兄妹即時鬥快行。（按此去片）

最後，Claire 係可以溜到呢個程度既（按此去片）。已經比媽媽叻好多了。中途，見到爸爸哥哥經過，Claire 仲追上前TIM，有驚無險爭D想跌，好在佢又平衡到（按此去片），真係唔可以睇少呢個妹。

爸爸見Claire 咁快上手，忽然話比兩百幾蚊佢去上單對單溜冰堂喎。所以，我地又留係個場佢學。不過呢兩百幾蚊，值唔值呢⋯⋯媽媽又唔覺上堂前上堂後，Claire 溜冰有乜唔同喎。

比兩百幾蚊去買Claire 咁冧既笑容似D。

溜完一日，夜晚，換返套女仔衫去食飯。而家大左既Claire，落街都要襯到靚一靚至出去。

Claire: 咁我女仔黎架嘛⋯⋯要靚架。