暑假遊濕地

13 Aug 15 呢日無節目又唔駛去跳繩，媽媽就帶兩兄妹去濕地放下電。咁岩遇著濕地有小型環保攤位，兩兄妺見份禮品幾得意，又走去玩一份，點知仲比負責人影埋相⋯⋯但禮品就無。玩完不知幾咁失望。

明明早前同Claire 黎玩，Claire 可以上樹屋，開心到不得了。點不知，呢日重遊濕地，卻因高度問題，唔可以上最刺激既樹屋玩。卒之，有人勁憂愁

Claire: 我明明咁高，點解淨係可以玩BB區呀⋯⋯

Claire: 唉～～真係好想喊呀⋯⋯

Claire: 我好嬲架啦，你唔好再影我呀⋯⋯

 不過，媽咪都係要影佢喎，仲錄埋衰妹發脾氣想打人既惡樣TIM。（按此）

幸好，Claire 有個錫佢既哥哥，哥哥終於肯落黎BB區陪Claire 了。

Claire: 我咪同你講左，唔好再影囉⋯⋯

點解會有人咁玩滑梯架⋯⋯真係睇見都覺得膝頭痛。

Claire: 嘩，乜哥哥你唔識企既咩？你睇我，我都無跌。

大舊哥哥，玩呢個滑梯，真係格格不入咁。哈哈。

咦，後邊好似仲有人喎。

睇下衰妹笑得幾咁甜，頭先發脾氣既憤怒無哂LU。多得哥哥陪佢咋。

之後，我地出左去揾怕醜草。

咦，連哥哥都好認真咁揾緊怕羞草喎。

石屎森林長大既小朋友，難得見到大自然，真係好好奇咁研究。

最後，玩完公園，Isaac 又話要係門口影返張3D相⋯⋯其實次次都要影呢個佈景，悶唔悶？

Claire: 唉，我都唔想影架，係哥哥捉住我⋯⋯