古惑牛王妹

7 Aug 15 暑假本來淨係幫哥哥報名去花式跳繩班。一向愛跟哥哥既Claire諗多兩諗，又話要跟埋一齊跳喎。於是乎，兩兄妹就齊齊上堂。

本來Claire 係唔識跳繩既。不過學阿SIR話，跟佢既學生，唔識都可以一個COURSE教到識，所以，第一堂，阿妹除左自己密練跳繩外，仲識得玩下跳大繩。

當然又係好好笑啦。按此看片一。阿SIR跟得好貼，邊FING繩邊行前迎接妹妹。之後仲好笑，按此看片二，阿妹比阿SIR整鬼都唔知。好在後黎望到，自己行返後再跳過。媽媽係現場真係忍住笑。

到齊齊跳大繩，當然又一蝦碌。（按此）

不過，妹妹對跳繩既興趣，真係唔大，返到屋企，都無哥哥咁上心去練。

8 Aug 15 呢日帶兩兄妹去食飯。飯時，Claire 好老積咁話要再比錢去學溜冰。仲要一臉老積樣，媽媽就叫佢做多一次比爸爸睇，睇佢七情上面，真係牛精到呢。（按此）好明顯D理由，係抄襲自爸爸架啦。

除左呢個，仲有就係衰妹晚晚都要半夜攝入黎瞓，媽媽就趁機問下佢，點解佢要入黎瞓。吖，個衰妹古古惑惑，諸多借口⋯⋯卒之，自己漏左口風⋯⋯係乜？自己按片睇下。