首次參加校際朗誦比賽－－普通話組榮譽奬（A）

11 Dec 16 為左佈置新居房間，爸爸吩咐妹妹再補買夜光裝飾⋯⋯Claire 仲懶叻話爸爸係指定呢兩包⋯⋯影相比爸爸，點知，爸爸話妹妹買錯喎。ANYWAY，呢兩包夜光蛇，最後都貼左係兩兄妹的睡房內。

13 Dec 16 唔駛問Claire 早餐食左乜，睇佢呢副樣子，就知一定有朱古力。

Claire: 你估唔到我係邊個喎⋯⋯

 下午放學，帶Claire 係附近餐廳醫肚先。

Claire: 哼⋯⋯樣樣我都唔想食⋯⋯我淨係想食糖同抽玩具咋⋯⋯

 媽媽買左包橡皮糖接佢放學，因為，Claire 之後要去校際朗誦比賽。睇下呢位小朋友，拎到包糖幾咁開心（按此）。

出發去校際朗誦比賽地點時，有個人對包糖愛不惜手。

Claire: 我一陣一定要食哂呢包糖架⋯⋯

 之前係學校練習，老師對Claire 表現評價麻麻，話佢唔夠自然，聲線唔夠響。比賽之一晚，Claire 忽然係屋企練習時，加上狡猾的眼神⋯⋯媽媽即話好好呀。估唔到，比賽一刻，Claire 真係用返早一晚係屋企練習時的眼神，獲得評判讚賞，眼神自然流露童真，夠哂活現詩歌的感情。好開心，首次參賽，居然獲得A級榮譽奬。全場只有六位同學有咋。

Claire: 媽咪，我得左啦⋯⋯

 其實係宣佈Claire 獲奬一刻，媽媽真係感動到想流淚。媽媽實在估唔到，妹妹可以獲得這個成績。她的努力，實在沒有白費。希望這個小朋友，日後繼續努力，不要驕傲。

離開會場，有個人幾咁招積，拎住袋糖曉飛咁。

Claire: 哈哈，我都話我實會食到呢袋糖架啦！