公主SETTING合照

23 Nov 16 呢日好凍呀。因為日頭買餸滿額有商場單據，可以去商場免費玩GAME再換公主FILE。所以，傍晚等兩兄妹做哂功課，好趕好趕咁換衫出門去商場影相（因為做完功課都好夜⋯⋯仲要趕返來晚飯仲要休息喎）

有個小朋友，拎左妹妹隻耳環黎玩。呢個LOOK，真搞笑。

明明鬼咁凍⋯⋯有個小妹妹真心貪靚，係都要著件薄一薄既公主裙黎襯返個景。

Claire：咁好襯吖嘛，仲有個灰姑娘FILE TIM呀！

 嘩，有無襯得咁絕呀，到ARIEL公主，Claire 又真係有ARIEL FILE襯返喎。

Claire: 媽咪，有無BEAUTY FILE，比我襯返BEAUTY公主呀？

 Claire 係同在場每個公主都不停影相，Isaac 就周圍睇下電視咁，Claire 影到七七八八，Isaac 先開始暴光。

Isaac: 嘻⋯⋯都唔係好靚咋嘛。
Claire: 媽咪，我呢個SOFIA拖佢隻手呀！

 話哂就到聖誕，商場梗係唔少得大大棵既聖誕樹啦。不過同成個公主SETTING，真係有點格格不入。

Isaac: 唉，等我同呀灰姑娘影下合照啦。

真可愛，兩兄妹POSE係一模一樣，媽媽都忘了是誰學誰了。

人仔細細既Claire，企埋係小矮人度，真係唔留心，都睇唔到囉。

好明顯，男同女影相既POSE，真係好唔同架。

呢次商場除左有灰姑娘12點跑步遊戲玩之外，仲有天燈遊戲玩⋯⋯兩兄妹不停咁按⋯⋯其實佢地都唔知自己按左乜咁。

睇下Claire 求其選左乜先⋯⋯（按此） 至於哥哥Isaac，就真係好用心，諗左好耐先揾到呢個天燈組合（按此）希望佢做人，真係可以勇往直前啦！