26 June 10 Isaac 第一堂playgroup, 遇著媽媽出差, 返黎只好睇返相
按爸爸說, Isaac一去到, 見到個健身球好high, 係咁玩波波......足之阿爸返到家第一件事買左個一模一樣既大球屋企比Isaac 廿四小時玩>_<
又係上樓梯時間
Isaac: 等我爬高d望遠d, 睇下有乜玩....
爬完呢個又爬另一個.
跟住玩有軌火車.
報呢間playgroup因為trial堂, Isaac係好開心, 岩哂佢個範又爬高又周圍郁咁. 你睇Isaac爬呢個幾自得其樂.
跟住仲自己走去行樓梯sir滑梯
, 唔知係咪條滑梯唔夠跣, Isaac 對腳好似係咁借力幫下手sir落去咁
玩完sir滑梯, 跟住坐千秋.
玩左個零鐘, Isaac好攰了. 
Isaac: 哎呀, 刷牙刷到成個下巴都口水. 媽媽唔係到無人幫我抹口水tim.
25 June 10 呢日媽媽出差前, 晨早同Isaac落左公園後, 中午再和Isaac 同工人一齊去飲茶茶, Isaac都有份食架.
Isaac: 比你睇下, 我食饅頭咋, 不過都好好味.
飲完茶, 再同Isaac 去圖書館
玩完一輪返到屋企, 同Isaac黎個親子時間, 就係洗白白. 洗完白白Isaac 瞓左覺了....媽媽又係時候走人出門. 不過出門時, 撞岩Isaac又瞓醒lu, 只係瞓醒仲未回魂, 好愕然見到媽媽望住佢......不過媽媽趁Isaac未回魂未要做樹熊痴埋黎時, 即拉喼出門趕飛機了.
Isaac: 媽媽走左lu....好掛住媽媽呀.
Isaac: 媽媽媽媽, 你係邊呀.......
26 June 10 Isaac: 我呢個pose可愛嘛? 媽媽見到好開心呀...但媽媽幾時返黎呀?
Isaac: 咦, 新野喎....踩下先. (爸爸漏夜買來的風扇)
Isaac: 不過唔涼既, 我仲出緊汗.
呢日Isaac 第一堂返playgroup, 可惜媽媽未能陪住返. 只有爸爸帶Isaac去. 去到附近個商場, 爸爸又比Isaac玩車車.
24 June 10 Isaac 成日都要開電視. 都唔知點解會變左電視精既
Isaac: 咦......開著左但無野睇既
Isaac: 我知啦, 要拎個remote開返至有野睇. 等我移開呢舊野先
點解Isaac會咁醒架......媽媽真係暈低. 竟然識得移開部機去伸手摷remote.
Isaac: 我要上網床睇電視呀, 快d開比我啦
Isaac: 點解爬唔到入去架.
Isaac 為左要媽媽開電視比佢, 主動要去網床.因為爸爸習慣左放Isaac落網床一個人睇電視. 搞到Isaac 個patten 係睇電視就係要落網床
睇完一陣電視, Isaac 無聊走去拎自己條褲頭帶黎食
Isaac: 我慢動作比你影多次.
Isaac: 比你影多張近鏡啦. (註: Isaac 仔真係特登對住鏡頭黎慢動作做一次比媽媽影相 ~_~)
25 June 10 呢日媽媽要出差lu. 第二次暫別Isaac仔, 上次出差Isaac仲係未戒人奶, 今次Isaac 仔已經戒左人奶, 媽媽出差少左奶泵拎.
出發前, 爭取親子時間.......可能Isaac都爭取埋, 所以呢朝六點起身掟個枕頭落媽媽個頭, 要叫醒阿媽 >_<
去到遊樂場, 成個馬蹓咁, 由低個級一野要lam到藍色呢個柱到.
Isaac: 嘻嘻, 媽媽今日帶我黎公園
Isaac玩到成身汗都唔願走, 仲拉媽媽一齊坐係呢度抖抖, 好似阿伯咁呀 >_<
搞左一輪都唔肯走, 成頭大汗, 吐有出動遮遮, 足之Isaac 自己拎住把遮自己行返屋企無扭計.
媽媽就出發lu, Isaac你要乖乖呀.
21 June 10 Isaac: 架車壞左, 要修理下
Isaac: 踩下佢會唔會郁得返呢.
Isaac: 乜好似無左個摩打咁既
Isaac: 架車壞左整唔返呀....(眼神似係發悔氣中, 架壞車仲瞓係佢背後~_~)
Isaac: 大少家下心情唔好呀........(爸爸話呢張相擺明係惡樣)
Isaac: 精力過盛, 無車渣, 唯有爬沙發.
Isaac: 我唏, 話咁易上左黎, 但上唔到去個椅背企tim
22 June 10 Isaac 又係到反轉張凳, 唔知佢究竟有乜咁好玩.
23 June 10 Isaac: 唔好玩架反凳, 但我好悶吖嘛, 廿四小時坐係間屋無野做. 家下悶到我要玩埋爸爸個表扮睇時間.....
17 June 10 Isaac: 你唔好影到我粒銷魂墨喎
Isaac: 唔影住啦, 我想叉埋呢幾粒藍莓食
18 June 10 呢日Isaac 有少少鼻水, 食左葯好攰, 媽媽放學返黎幫Isaac 影返唯一一張相.
19 June 10 一朝早瞓醒, Isaac 走去摷玩具玩. 呢條係工人把 Isaac bb仔玩個 d 圈圈, 圈埋一齊變左長鍊
媽媽放工返黎, 頻頻撲撲為乜? 就係為左帶 Isaac 去沙灘比佢玩下沙同海.
媽媽: 我地落海踢水啦 Isaac: 望下我個筆沙玩具有無比人偷先.....
呢日 Isaac 好起勁咁踢水
Isaac: 但好曬呀媽咪.............
去完海灘, 返到屋企 Isaac 一點倦意都無, 仲好活躍, 係咁做馬蹓. 媽媽睇少陣都唔得
Isaac: 我唏.... (用力撐上去)
你睇幾危險....
櫃上面個pooh 頭, Isaac 仲企埋係呢張凳背頂到扯落黎, 嚇到媽媽死咁滯, 因為pooh 頭會打爛的, 到時會流哂血架.
Isaac: 咁我玩第二個遊戲 -- 反轉張凳
Isaac: 呢個都好好玩
Isaac: 就係推佢
20 June 10 呢朝爸爸仲未起身. Isaac 話要用爸爸部電腦喎, 自己開著電腦不特止, 仲搬埋張膠凳去坐, 真係有模有樣架
Isaac: 好簡單咋嘛, 呢個制咪係開電腦囉
Isaac: 不過坐住唔夠高打字, 我要企係度....
爸爸足之起身了, 一齊落街街食早餐......一開鐵閘, 爸爸媽媽仲未出去, Isaac 已經急不及待衝出去, 仲學人拉埋鐵閘. 仲要整個姿勢出黎裝我地, 都唔知好嬲定好笑.
呢日係父親節, 我地無節目, hea係屋企成日休息, 媽媽就應付超級活躍的 Isaac. 直到夜晚至出去食飯飯. Isaac而家一坐西鐵就要拍凳示意要一齊坐做大人.
自拍一張家庭合照.
