又食又玩 @ 中央圖書館 + applegreen

6 Jun 10 繼前一日去左天水圍兒童遊戲室後, 媽媽繼續不遺餘力, 周圍幫 Isaac 仔揾節目. 呢日既節目好豐富, 不過累死爸爸媽媽.

早一個wk, 媽媽晨早打電話去中央圖書館預約左個兒童圖書玩具閣, 所以呢日, 第一個行程就係去銅鑼灣.

原來入面唔比影相, 媽媽唯有偷偷地影下 Isaac 仔啦. 呢架唔知乜形狀既車仔

係爸爸親手砌既, 就係由玩具圖書閣借返黎既益智玩具, 可惜 Isaac 仔唔係好鐘意用腦, 所以成程走左去玩其它野

對成地既bb玩具, Isaac都唔係咁有興趣 ~_~

呢張叫做係咁二拎黎望下乜黎.

預約既時間係每節 45 分鐘, 呢 45 分鐘真係好漫長呀....因為 Isaac 唔係太enjoy 呢個玩具圖書閣. 所以媽媽決定短期內都唔會再黎, 除非咁岩要出去銅鑼灣食飯, 又就岩時間至去比 Isaac 玩下.

第一個節目完左, 同左 Isaac 醫肚後, 輪到爸爸媽媽. 媽媽選左時代廣場對面既applegreen.

Isaac 仔一坐低, 就幫媽媽點菜了.

好鐘意 Applegreen, 因為好體貼呀個services. 第一次有餐廳, 會為 Isaac仔送上蠟筆及畫紙一張, 等 Isaac 仔有 d 世藝咁. 蠟筆仲要係crayola架. 媽媽即時加分比 Applegreen, 心諗以後帶bb黎銅鑼灣, 都會幫襯佢了.

爸爸媽媽呢日咁勞碌, 奬勵自己係Applegreen 吃了一個好好好豐富的lunch

先有一個唔知爸爸叫左乜既意粉, 應該係肉醬吧

仲有媽媽點既brunch set - 特式pizza. 中間隻半生熟旦真係夠哂特別. 不過塊pizza硬到係餅乾咁, 唔夠薄~_~ 不過都無損媽媽食欲.

仲有呢盤焗薯蓉. 好似四十零蚊, 都叫ok啦.

lunch食三碟野真係好飽呀............埋單多謝240大元. 不過下次會再黎, 除左佢有蠟筆比 Isaac 油顏色外, 仲有呢度既侍應姐姐好鐘意走黎同 Isaac 仔玩 ----------同場見到有一枱都有兩個 bb架, 但唔係好見個兩位 bb 有 Isaac 同一個待遇.

點玩?

除左蠟筆, 仲有係大大個玩具apple. Isaac 仔愛不惜手.

不過 Isaac 仔好醒, 認得邊個侍應姐姐送比佢玩, 其它侍應姐姐走埋黎扮玩要拎走apple時, Isaac 耍手擰頭. 但當 Isaac 仔離遠見到送apple個位侍應姐姐出現, 就雙手遞出apple仲要加埋佢獨有既bb話. 意思係 ---- 比返你呀姐姐.

真係叻.

除左apple, 仲有呢個屋仔杯墊, 又係侍應姐姐送比 Isaac 仔玩既.

臨走, 係門口影返張相先

Isaac: 爸爸, 等埋我至入lift呀....

食完lunch, 仲有下半場, 好攰呀爸爸媽媽 ~_~