玩沙 @ 黃金海岸

13 Jun 10 呢日約左班媽媽去黃金海岸. 因為一直都好想同 Isaac 去玩下沙玩下水水. 點知呢日天氣麻麻, 不過都好, 岩哂見光死既貪靚媽媽.

一去到沙灘, 先捉住 Isaac 落海踢下浪先.......因為爸爸唔黎, 工人淨係識影踢浪既背影, 可能工人真係佢口講到 --- 怕水....所以行前少少都唔制掛

呢張相影到阿仔對腳好圓潤.....

踢完浪浪, 拖住 Isaac 行返去朋友仔度. 媽媽好鐘意拖住 Isaac 仔, 因為拖多三四年, 唔會比我拖架啦, 仲唔趁而家拖多 d warm d 咩....

Isaac: Jinla, 幫我拎 d 玩具比我玩啦

媽媽: 玩具係呢度呀阿仔.

開頭 Isaac 仲係好嗲咁要痴住媽媽附近玩沙

無幾耐, 終於自己投入左堆沙度, 媽媽可以坐遠少少....少少咁多多啦.

其實唔知呢兩盆野對 Isaac 個吸引力係邊, 總之佢死都唔肯離開呢兩盆野. 一抱開打算比佢再落水水, 係度喊. 要返去坐係呢兩盆沙到.

Isaac: 嘩, 有水流出黎既?

Isaac: 點解我隻手濕左架?

Isaac: 再流多次實驗下先

玩到黃昏, 又要打道回府沖涼涼, 再出去食飯了. 因為夜晚係端午節做節順便做埋父親節.

婆婆一見到 Isaac 好熱情咁hug 住Isaac

Isaac: 唔好攬咁實喎....

婆婆: 你唔好掛住食, 望住鏡頭先啦

Isaac: 我都係專心食飯算.

呢次去沙灘, Isaac 好似玩得好開心咁, 所以媽媽打算呢個周末再去多次. 當然, 爸爸依舊無興趣, 不過為左阿仔, 無損帶佢出去玩既興致既. 呵呵呵. 黃金我地又黎探你了.