遊樂場

14 Jun 10 Isaac: 哈哈, 又有野食....

Isaac: hmm, 比你影張相先啦.

15 Jun 10 爸爸一見呢張相就話: 嘩.............簡直係你 (媽媽)既模呀. 一模一樣.

 Isaac: 咦....我唔制呀, 我唔要似媽媽, 咁咪似女仔囉......   (其實媽媽似公公, 所以似媽媽都好架喎 Isaac )

食完野, Isaac 話唔做大食懶, 要幫工人手鋪地墊喎

真係有模有樣架喎鋪到

16 Jun 10 呢日端午節假期, 媽媽放假, 就比媽媽發現 Isaac 自己開電視. 呢個變左電視精既 Isaac 真係吖. 好在電視係爸爸打機後永遠都set左個av mode, 所以開左都無野睇.

下午無乜野做, 就帶 Isaac 落公園玩. 媽媽懷疑 Isaac 係知道相機係做乜架, 有時會影完相走埋黎要睇返相機裡面影相影成點 ~_~

Isaac: 你咪睇少我啦, 我而家擺個pose你影左先.

一落到平台, 爸爸又同 Isaac 玩危險遊戲.

Isaac: 媽媽, 好危險咩?                             爸爸: 唔落街咪唔危險囉.

危險遊戲就係, 放阿仔對腳係車上, 跟住想快推阿仔落斜路sher, 前面其實係一條斜斜地既斜路.....就係唔駛兩秒, 阿仔成個人"中" 前左, 好在爸爸即刻扶實Isaac, 否則有機會向前中落地變大冬瓜.

繼唔駛兩秒向前中哂成個 Isaac 後, 爸爸至肯死心放返佢對腳落地推咋 ~_~

落到遊樂場, Isaac好明顯忘記左自己有架車車.

Isaac: 媽咪, 呢個屋企無, 梗係玩呢個先

 

Isaac 大個仔了, 大胆左, 肯捐呢個洞, 仲要捐完識得係近出口既洞位, 企係身踩落一級黎落地. 媽媽真係唔可以低估 Isaac 既能力.

除左呢個唔可以低估, 原來 Isaac 仲好有氣力撐上梯級, 好叻仔, 肯獨立行唔駛依賴爸爸媽媽.

Isaac: 不過呢個引體上升既野我要爸爸扶.

玩完返屋企, 沖個靚涼又食生果餐了. 呢餐係媽媽愛心去皮提子.