兒童遊戲室 @ 天水圍

5 June 10 知道天水圍體育館有兒童遊戲室後, 一直都好想帶 Isaac 黎玩下. 不過礙於無得book場仲要去到唔知排幾耐隊至入到, 一直就擱置計劃

直到去完 my gym同little gym後, 發覺 Isaac 仔係對呢 d 爬高爬低既野特別鐘意, 所以唔理爸爸反對, 都照去一去天水圍呢個體育館.

呢日約埋雪晴兄妹一齊去. 估唔到真係有人排隊架, 所以我地只係玩左廿五分鐘就算了

先黎一張親子照

Isaac: 等我靜靜地坐係到, 望熟下個環境先

Isaac: 望完, 揾到有乜玩

雪晴哥哥應該係最開心個位, 廿五分鐘無停過, 跳黎跳去

Isaac就玩下呢個馬馬先

再摸下呢幾個野

Isaac 可能摸完知道行上去係唔平, 所以, 行到呢個位, 佢唔會行.

改為爬, 最安全

Isaac: 爸爸, 呢個推黎做乜架?

Isaac: 揾唔到野玩喇媽媽

兩隻大小馬蹓. 媽媽同爸爸講, 再生多個, 遲幾年會重演呢個現象係自己對仔女到.

Isaac: 爸爸, 可唔可以話我知呢個係乜遊戲黎架?

廿五分鐘, 好忙, 因為bb走圍走揾野玩, 我諗唯一一張同雪晴妹妹合照係呢張既姐.

兒童遊戲室比想像中細好多. 仲要排隊入場, 每場限12位大人包埋小朋友. 下次可能真係咁岩去開又咁岩有時間至入去排隊囉.